ഇടുക്കി : വനംവന്യജീവി വകുപ്പിന് കീഴിൽ ജൈവവൈവിദ്ധ്യ സംരക്ഷണ പദ്ധതിയുടെ ഭാഗമായി സാമൂഹ്യ വനവത്കരണ വിഭാഗം മുഖേന കാവുകളുടെ സംരക്ഷണ പദ്ധതി നടപ്പിലാക്കി വരുന്നു. ഈ പദ്ധതിയുടെ ഭാഗമായി 2021- 22 വർഷത്തിൽ ജില്ലയിൽ കാവുകളുടെ സംരക്ഷണത്തിന് ധനസഹായം നൽകുന്നതിന് കാവുകളുടെ ഉടമസ്ഥരിൽ നിന്നും അപേക്ഷകൾ ക്ഷണിച്ചു. അപേക്ഷാഫോറം വനംവകുപ്പിന് ഔദ്യോഗിക വെബ്‌സൈറ്റിൽ (www.forest.kerala.gov.in) ലഭ്യമാണ. ജില്ലയിൽ ധനസഹായം നൽകുന്നതിലേക്കായി കാവുകളുടെ ഉടമസ്ഥരായിട്ടുള്ള സ്വകാര്യവ്യക്തികൾ, ദേവസ്വങ്ങൾ, ക്ഷേത്രങ്ങൾ മുതലായവർ പൂരിപ്പിച്ച അപേക്ഷാ ഫോറം അസിസ്റ്റന്റ് ഫോറസ്റ്റ് കൺസർവേറ്റർ സോഷ്യൽ ഫോറസ്റ്റ് ഡിവിഷൻ, ഇടുക്കി സഹ്യസാനു ഫോറസ്റ്റ് കോംപ്ലക്‌സ്, വെള്ളപ്പാറ, പൈനാവ് പി.ഒ, 685603 എന്ന വിലാസത്തിൽ ഓഗസ്റ്റ് 10ന് മുമ്പായി സമർപ്പിക്കണം. കൂടുതൽ വിവരങ്ങൾക്ക് ഇടുക്കി ജില്ലാ സാമൂഹ്യ വനവൽക്കരണ വിഭാഗം അസിസ്റ്റന്റ് ഫോറസ്റ്റ് കൺസർവേറ്ററുടെ ഓഫീസുമായി ബന്ധപ്പെടാം. ഫോൺ 04862 232505.