ഇടുക്കി: ജൈവവൈവിധ്യ സംരക്ഷണ രംഗത്തെ മികച്ച സംഭാവനകൾക്ക് കേരള വനവന്യജീവി വകുപ്പ് വനമിത്ര അവാർഡ് നൽകുന്നു. 25,000 രൂപയും പ്രശസ്തി പത്രവും അടങ്ങുന്നതാണ് അവാർഡുകൾ. കാവുകൾ, ഔഷധച്ചെടികൾ, കാർഷിക ജൈവവൈവിധ്യം മുതലായവയുടെ സംരക്ഷണത്തിലൂടെ പ്രാദേശിക ജൈവവൈവിധ്യം പരിരക്ഷിക്കുന്നതിന് നടത്തിയ പ്രവർത്തനങ്ങളാണ് അവാർഡിന് പരിഗണിക്കുന്നത്. വ്യക്തികൾക്കും സന്നദ്ധസംഘടനകൾക്കും വിദ്യാഭ്യാസ സ്ഥാപനങ്ങൾക്കും കർഷകർക്കും അവാർഡിന് അപേക്ഷിക്കാം.

ഒരു ജില്ലയിൽ ഒരു അവാർഡാണ് നൽകുക. ജില്ലയിൽ 2021-22 വർഷത്തിലെ വനമിത്ര അവാർഡിന് അപേക്ഷിക്കാൻ ആഗ്രഹിക്കുന്നവർ അസിസ്റ്റന്റ് ഫോറസ്റ്റ് കൺസർവേറ്റർ സോഷ്യൽ ഫോറസ്ട്രി ഡിവിഷൻ, ഇടുക്കി സഹ്യസാനു ഫോറസ്റ്റ് കോപ്ലെക്‌സ്, വെള്ളാപ്പാറ, പൈനാവ് പി.ഒ, 685603 എന്ന വിലാസത്തിൽ ഓഗസ്റ്റ് 20 ന് മുമ്പായി അപേക്ഷ സമർപ്പിക്കണം. അപേക്ഷയോടൊപ്പം അവാർഡിനുള്ള അർഹത തെളിയിക്കുന്ന വിവരങ്ങൾ അടങ്ങിയ ഒരു കുറിപ്പും തെളിവിലേയ്ക്കായി പ്രസക്തമായ രേഖകൾ ഫോട്ടോഗ്രാഫുകൾ എന്നിവയും ഉൾപ്പെടുത്തണം. കൂടുതൽ വിവരങ്ങൾക്ക് ഇടുക്കി ജില്ലാ സാമൂഹ്യ വനവൽക്കരണ വിഭാഗം അസിസ്റ്റന്റ് ഫോറസ്റ്റ് കൺസർവേറ്ററുടെ ഓഫീസുമായി ബന്ധപ്പെടാം. ഫോൺ 04862 232505.