വെള്ളത്തൂവൽ: വായനാ പക്ഷാചരണത്തിന്റെ ജില്ലാതല ഉദ്ഘാടനം വെള്ളത്തൂവൽ എ കെ ജി ലൈബ്രറി ആന്റ് റിക്രിയേഷൻ ക്ലബിൽ ജലവിഭവ മന്ത്രി റോഷി അഗസ്റ്റിൻ ഓൺലൈനായി നിർവ്വഹിച്ചു. ഓരോ വായനാ ദിനവും വായനയുടെ പ്രധാന്യം വിളിച്ചറിയിക്കുന്നതാണെന്നും സമൂഹത്തിൽ ഇന്നുണ്ടായിട്ടുള്ള ഒട്ടേറെ നല്ല ചിന്തകൾക്ക് ഭാവനാ പൂർണ്ണമായ നടപടികൾ സ്വീകരിക്കാൻ വായനാ പക്ഷാചരണം പോലുള്ള പരിപാടികൾ ഉപകരിച്ചിട്ടുണ്ടെന്നും മന്ത്രി പറഞ്ഞു. അഡ്വ. ഡീൻ കുര്യാക്കോസ് എം.പി മുഖ്യ പ്രഭാഷണം നടത്തി. അഡ്വ. എ രാജ എം.എൽ.എ വായനാ ദിന സന്ദേശം നൽകി. പുരോഗമന കലാസാഹിത്യ സംഘം സംസ്ഥാന സെക്രട്ടറി വിനോദ് വൈശാഖി പി എൻ പണിക്കർ അനുസ്മരണം നടത്തി.സ്റ്റേറ്റ് ലൈബ്രറി കൗൺസിൽ എക്‌സിക്യൂട്ടീവ് അംഗം കെ .എം .ബാബു പദ്ധതി വിശദീകരിച്ചു. ജില്ലാ ലൈബ്രറി കൗൺസിൽ പ്രസിഡന്റ് ആർ .തിലകൻ അദ്ധ്യക്ഷത വഹിച്ചു. ജില്ലാ ലൈബ്രറി കൗൺസിൽ സെക്രട്ടറി ഇ .ജി സത്യൻ, ജോ. സെക്രട്ടറി പി എൻ ബാലകൃഷ്ണൻ എന്നിവർ സംസാരിച്ചു.