ഇടുക്കി :ജില്ലാ സ്‌പോട്‌സ് കൗൺസിലിന്റെ ആഭിമുഖ്യത്തിൽ അന്താരാഷ്ട്ര ഒളിമ്പിക് ദിനാചരണത്തിന്റെ ഭാഗമായി വെർച്വൽ ദീപശിഖാ പ്രയാണം സംഘടിപ്പിച്ചു. ജില്ലാ സ്‌പോർട്‌സ് കൗൺസിൽ പ്രസിഡന്റ് റോമിയോ സെബാസ്റ്റ്യന്റെ സാന്നിദ്ധ്യത്തിൽ കളക്ട്രേറ്റിൽ നിന്നും ആരംഭിച്ച വിർച്വൽ ദീപശിഖ റാലി അന്തർദ്ദേശീയ കായിക താരമായ അനീഷ് രാജന് ദീപശിഖ കൈമാറി ജില്ലാ കളക്ടർ എച്ച്.ദിനേശൻ ഉദ്ഘാടനം ചെയ്തു.
സമാപന ചടങ്ങിൽ ജില്ലാ പഞ്ചായത്ത് പ്രസിഡന്റ് ജിജി.കെ.ഫിലിപ്പ് ദീപശിഖ ഏറ്റു വാങ്ങി. വിർച്വൽ ദീപശിഖയുടെ സ്വിച്ച് ഓൺ കർമ്മം ജില്ലാ പൊലീസ് മേധാവി ആർ. കറുപ്പസാമി നിർവ്വഹിച്ചു. ജില്ലാ പഞ്ചായത്ത് പ്രസിഡന്റ് ജിജി ഫിലിപ്പ്, ജില്ലയിൽ നിന്നുള്ള ഒളിമ്പ്യൻമാരായ ഷൈനി വിൽസൺ, പ്രീജാ ശ്രീധരൻ, കെ.എം.ബീനാമോൾ, കെ.എസ്.ആർ.റ്റി.സി ഡയറക്ടർ ബോർഡ് അംഗം സി.വി.വർഗ്ഗീസ്, ദ്രോണാചാര്യ കെ.പിതോമസ്സ് , സംസ്ഥാന സ്‌പോട്‌സ് കൗൺസിൽ അംഗം കെ. എൽ. ജോസഫ്, ജില്ലാ പഞ്ചായത്ത് അംഗം കെ. ജി. സത്യൻ, ജില്ലാ സ്‌പോട്‌സ് കൗൺസിൽ എക്‌സിക്യുട്ടീവ് അംഗം അനസ് ഇബ്രാഹിം, വാഴത്തോപ്പ് സർവ്വീസ് സഹകരണ ബാങ്ക് പ്രസിഡന്റ് പി. ബി. സബീഷ്, ഇടുക്കി ബ്ലോക്ക് പഞ്ചായത്ത് അംഗം ഡിറ്റാജ് ജോസഫ്, ജില്ലാ സ്‌പോട്‌സ് കൗൺസിൽ സെക്രട്ടറി പി. കെ. കുര്യാക്കോസ്, ദീപ്തി മരിയാ ജോസ്, എൽ. മായാദേവി, എബിൻ ജോസഫ് കായിക താരങ്ങളായ , ജിൻസി ജോസ്, ആൻസലറ്റ് ജോസ്, ബേസിൽ ബിനോയി, സാന്ദ്രാമോൾ സാബു, പ്രമോദ് ദാസ് തുടങ്ങിയവർ വെർച്വൽ ദീപശിഖയുടെ ഭാഗമായി പങ്കെടുത്തു.