നെടുങ്കണ്ടം: മുലപ്പാൽ തൊണ്ടയിൽ കുരുങ്ങി രണ്ടര മാസം പ്രായമുള്ള കുഞ്ഞ് മരിച്ചു. ചേറ്റുകുഴി അപ്പാപ്പിക്കട കുന്നുമേൽതറ ജിജിൻ -ടിനോൾ ദമ്പതികളുടെ ആൺ കുഞ്ഞാണ് മരിച്ചത്. വ്യാഴാഴ്ച രാവിലെ 7:30ടെയാണ് സംഭവം. കുഞ്ഞിന് പാല് കൊടുക്കുന്നതിനിടയിൽ കുഞ്ഞിന് അസ്വസ്ഥത ഉണ്ടായതിനെ തുടർന്ന് ചേറ്റുകുഴിയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. ഇടുക്കി മെഡിക്കൽ കോളെജിലെ പോസ്റ്റുമോർട്ടം നടപടികൾക്ക് ശേഷം മൃതദേഹം ഇന്ന് ബന്ധുക്കൾക്ക് വിട്ടു നൽകും.