മൂന്നാർ: കെ.എസ്.ആർ.ടി.സി മൂന്നാർ ഡിപ്പോയിലെ ഡ്രൈവറെ ഡാമിൽ മരിച്ച നിലയിൽ കണ്ടെത്തി. ലക്ഷ്മി എസ്റ്റേറ്റിലെ ന്യൂ മൂന്നാർ ഡിവിഷൻ ശങ്കരന്റെ മകൻ മാരിമുത്തുവിനെയാണ് (45) ഇന്നലെ രാവിലെ പഴയമൂന്നാർ ഹെഡ് വർക്‌സ് ഡാമിൽ മരിച്ച നിലയിൽ കണ്ടെത്തിയത്. പത്ത് വർഷമായി മൂന്നാർ ഡിപ്പോയിലെ ഡ്രൈവറാണ് മാരിമുത്തു. ശനിയാഴ്ച രാത്രി മദ്യപിച്ചെത്തിയ ഇയാൾ വീട്ടുകാരുമായി വഴക്കിട്ടിരുന്നതായും തുടർന്ന് വീട്ടിൽ നിന്ന് ഇറങ്ങിപ്പോയതായും പറയുന്നു. ഇന്നലെ രാവിലെ ഒമ്പതിന് ഡാമിൽ മരിച്ച നിലയിൽ കണ്ടെത്തുകയായിരുന്നൂ. പൊലീസ് ഇൻക്വസ്റ്റ് തയ്യാറാക്കി മൃതദേഹം അടിമാലി താലൂക്ക് ആശുപത്രിയിലേക്ക് മാറ്റി. പരിശോധനയിൽ കൊവിഡ് സ്ഥിരീകരിച്ചിട്ടുണ്ടെന്ന് പൊലീസ് അറിയിച്ചു. ഭാര്യ: രാമലക്ഷ്മി.