ഇടുക്കി: പി. വിഷ്ണുരാജിനെയും രാഹുൽ കൃഷ്ണ ശർമയെയും ഇടുക്കി, ദേവികുളം സബ് കളക്ടർമാരായി നിയമിച്ചു. മസൂറിയിൽ രണ്ടാം ഘട്ട പരിശീലനം പൂർത്തിയാക്കിയ സാഹചര്യത്തിലാണ് ഇവർക്ക് പുതിയ നിയമനം. തൃശൂർ ജില്ലയിലെ അരിമ്പൂർ സ്വദേശിയായ പി. വിഷ്ണു രാജ് മലപ്പുറത്ത് അസി. കളക്ടറായിരുന്നു. ഇന്ത്യൻ ഫോറസ്റ്റ് സർവീസിൽ ഒരു വർഷം പ്രവർത്തിച്ച ശേഷം ഐ.എ.എസിലേക്ക് മാറ്റം ലഭിക്കുകയായിരുന്നു. ഉത്തർപ്രദേശ് ഗോരഖ്പൂർ സ്വദേശിയായ രാഹുൽ കൃഷ്ണ ശർമ എറണാകുളത്ത് അസി. കളക്ടറായിരുന്നു. ഇടുക്കിയിൽ അസി. കളക്ടറായിരുന്ന സൂരജ് ഷാജിയെ തിരൂർ സബ് കളക്ടറായി നിയമിച്ചു.