കോഴിക്കോട്: വാഹന പരിശോധനയ്ക്കിടെ മയക്കുമരുന്നുമായി യുവാവ് പിടിയിൽ. താമരശ്ശേരി പൊന്നോത്ത് വീട്ടിൽ പി. ഫൈസലാണ് (28) പിടിയിലായത്. എക്‌സൈസ് എൻഫോഴ്സ്‌മെന്റ് ആൻഡ് ആൻഡി നാർക്കോട്ടിക്ക് സ്‌പെഷ്യൽ സ്‌ക്വാഡും എക്‌സൈസ് ഇന്റലിജൻസ് ബ്യൂറോയും സംയുക്തമായി നടത്തിയ വാഹന പരിശോധനയ്ക്കിടെ താമരശ്ശേരി ദേശീയപാതയിലാണ് ഇയാൾ പിടിയിലായത്. 50 ഗ്രാം എം.ഡി.എം.എ കണ്ടെത്തി. പ്രതി സഞ്ചരിച്ച ജീപ്പ് കസ്റ്റഡിയിൽ എടുത്തു. വൈദ്യപരിശോധനയ്ക്കുശേഷം താമരശ്ശേരി എക്‌സൈസ് റേഞ്ച് ഓഫീസിൽ ഹാജരാക്കി. എക്‌സൈസ് സ്‌ക്വാഡ് സർക്കിൾ ഇൻസ്‌പെക്ടർ വി.ആർ ദേവദാസിന്റെ നേതൃത്വത്തിൽ നടത്തിയ വാഹന പരിശോധനയിൽ ഐ.ബി ഇൻസ്‌പെക്ടർ പ്രജിത്ത്.എ, പ്രിവന്റീവ് ഓഫീസർ ബിജുമോൻ ടി.പി, സിവിൽ എക്‌സൈസ് ഓഫീസർമാരായ ദീനദയാൽ എസ്.ആർ, സന്ദീപ് എൻ.എസ്, അജിത്ത്.പി, അനുരാജ്.എ, സൈമൺ ടി.എം, അരുൺ.എ, അബ്ദുൽകരീം, പ്രബീഷ് എന്നിവർ പങ്കെടുത്തു.