ഫറോക്ക് : പേട്ടയിലെ പൗരപ്രമുഖനും മുസ്ലിം ലിഗ് നേതാവും മുൻ ഫറോക്ക് ഗ്രാമപഞ്ചായത്ത് അംഗവുമായിരുന്ന ചുങ്കം തേനുട്ടി കല്ലിങ്ങൽ ടി.എം. പോക്കുട്ടി (72) നിര്യാതനായി. ചുങ്കം മൻസ ഉൽ ഉലൂം മദ്രസ പ്രസിഡന്റാണ്. തലഞ്ഞിപ്പാടം ഹിദായത്തുൽ ഇസ്ലാം മദ്രസ സ്ഥാപക നേതാവ്, ഫറോക്ക് മഹല്ല് ശിഹാബ് തങ്ങൾ റിലീഫ് സെൽ കമ്മിറ്റി ഭാരവാഹി, പേട്ട മഹല്ല് ദുരിതാശ്വാസ കമ്മിറ്റി അംഗം, ഫറോക്ക് പഞ്ചായത്ത് ലീഗ് ഭാരവാഹി, ബേപ്പൂർ മണ്ഡലം ലീഗ് കമ്മിറ്റി അംഗം, ദീർഘകാലം പേട്ട മുസ്ലിം ലീഗ് കമ്മിറ്റി പ്രസിഡന്റ് എന്നീ നിലകളിലും പ്രവർത്തിച്ചിരുന്നു. രണ്ട് തവണ ഫറോക്ക് ഗ്രാമപഞ്ചായത്ത് അംഗമായിരുന്നു. ഭാര്യ: ആയിഷ. മക്കൾ ; അബ്ദുൾ നാസർ, അബ്ദുൾ റഷീദ്, സഹിറാ ബാനു, നൗഷദ, സഫിയ. മരുമക്കൾ: ഉസ്മാൻ (അഴിഞ്ഞിലം) പി.കെ. ഷരീഫ് ( കാരാട്), അബ്ദുസമദ് (നല്ലളം), റുബീന (പുറ്റെക്കാട്). സഹോദരങ്ങൾ : മുഹമ്മദ് കുട്ടി, ആലിക്കുട്ടി, ഉമ്മാച്ച കുട്ടി , പരേതരായ ബിച്ചു പാത്തുമ്മ, മറിയം, ആമിന.