കുന്ദമംഗലം: കൊവിഡിൽ കഴിഞ്ഞ ഒന്നര വർഷമായി ദുരിതത്തിലായ സംസ്ഥാനത്തെ ലക്ഷക്കണക്കിന് ബസ് ജീവനക്കാരുടെയും ഉടമകളുടെയും പ്രതിസന്ധി പരിഹരിക്കുന്നതിന് സർക്കാർ അടിയന്തര നടപടി സ്വീകരിക്കണമെന്ന് ബി.ജെ.പി ജില്ലാ സെക്രട്ടറി തളത്തിൽ ചക്രായുധൻ ആവശ്യപ്പെട്ടു .സംസ്ഥാനത്ത് തന്നെ ഏറ്റവും കൂടുതൽ ജീവനക്കാർ ജോലി ചെയ്യുന്ന ബസ് തൊഴിലാളികൾക്ക് വേണ്ടി സർക്കാരിൻറെ ഭാഗത്തുനിന്ന് ഇതുവരെ ഒരു സഹായവും ഉണ്ടായിട്ടില്ല അടിയന്തരമായി വാഹനങ്ങളുടെ ഇൻഷുറൻസും ടാക്സും ഒഴിവാക്കാനുള്ള നടപടി സർക്കാരിന്റെ ഭാഗത്ത് നിന്ന് ഉണ്ടാവണം, തൊഴിലാളികൾക്ക് സർക്കാർ സംരക്ഷണം ഉറപ്പുവരുത്തണം ബസ്സുടമകളുടെയും ജീവനക്കാരുടെയും പ്രശ്നത്തിന് പരിഹാരം കാണുന്നതിന് വേണ്ടി മുഖ്യമന്ത്രിക്ക് കത്ത് അയക്കുമെന്നും ചക്രായുധൻ പറഞ്ഞു.