ഒളവണ്ണ: കോഴിക്കോട് ബ്ലോക്ക് പഞ്ചായത്തിൽ കൃഷി വകുപ്പു നടപ്പിലാക്കുന്ന ഓണത്തിന് ഒരു മുറം പച്ചക്കറി പദ്ധതിയുടെ ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് സജിത പൂക്കാടൻ നിർവ്വഹിച്ചു. ചടങ്ങിൽ വൈസ് പ്രസിഡന്റ് രവീന്ദ്രൻ പറശ്ശീരി അ​ദ്ധ്യ​ക്ഷനായി. കർഷകൻ ബീരാൻ ചിറയിക്കോട് പച്ചക്കറി തൈകൾ ഏറ്റുവാങ്ങി. പച്ചക്കറിവിത്തു വിതരണം ജില്ലാ പഞ്ചായത്ത് മെമ്പർ രാജീവ് പെരുമൺപുറ ഉദ്ഘാടനം ചെയ്തു. വികസന കാര്യസമിതി അദ്ധ്യക്ഷ ടി.കെ ശൈലജ, ക്ഷേമകാര്യ സമിതി അദ്ധ്യക്ഷൻ എ.പി സെയ്താലി, ആരോഗ്യകാര്യ സമിതി അ​ദ്ധ്യ​ക്ഷ പി. റംല, ജോയിന്റ് ബി.ഡി.ഒ കെ. വി സതീഷ് കുമാർ, കൃഷി അസിസ്റ്റന്റ് ഡയറക്ടർ എസ്. സബ്ന, ഒളവണ്ണ കൃഷി ഓഫീസർ എസ്. പ്രമോദ് എന്നിവർ സംസാരിച്ചു. ഭരണസമിതി അംഗങ്ങളും കർഷകരും ജീവനക്കാരും പങ്കെടുത്തു.