കോഴിക്കോട് : പി.എൻ.പണിക്കർ അനുസ്മരണ ദേശീയ വായനദിനമാസാചരണത്തോടനുബന്ധിച്ച് പബ്ലിക്ക് റിലേഷൻസ് വകുപ്പും പി.എൻ.പണിക്കർ ഫൗണ്ടേഷൻ ജില്ലാ കമ്മിറ്റിയും സംയുക്തമായി സംഘടിപ്പിച്ച ഒരു മാസം നീണ്ടു നിൽക്കുന്ന പരിപാടികൾ ഡെപ്യൂട്ടി മേയർ സി.പി. മുസാഫർ അഹമ്മദ് ഉദ്ഘാടനം ചെയ്തു.കുട്ടികളിൽ വായനാശീലം വളർത്തുകയും അതിലൂടെ അവരുടെ ക്രിയാത്മകതയും കർമ്മശേഷിയും വളർത്തി അറിവിലൂടെയുള്ള ശാക്തീകരണത്തിന് മുൻകൈയെടുക്കുകയും ചെയ്യണമെന്ന് അദ്ദേഹം പറഞ്ഞു.
സെന്റ് ജോസഫ്‌സ് ബോയ്‌സ് ഹയർ സെക്കണ്ടറി സ്‌ക്കൂൾ ലൈബ്രറി ഹാളിൽ നടന്ന ചടങ്ങിൽ പി.എൻ. പണിക്കർ ഫൗണ്ടേഷൻ ജില്ലാ പ്രസിഡന്റ് അഡ്വ.എം.രാജൻ അദ്ധ്യക്ഷത വഹിച്ചു. ജില്ലാ ഇൻഫർമേഷൻ ഓഫീസർ കെ.ടി.ശേഖർ മുഖ്യ പ്രഭാഷണം നടത്തി.
സെന്റ് ജോസഫ്‌സ് ബോയ്‌സ് ഹയർ സെക്കൻ റി സ്‌കൂൾ പ്രിൻസിപ്പാൾ ഫാദർ ആന്റോ എം.എഫ് .വായനദിന പ്രതിജ്ഞ ചൊല്ലി. സ്‌കൂൾ ഹെഡ്മാസ്റ്റർ പി.ടി. ജോണി, എം.ടി.സേതുമാധവൻ ജൂനിയർ റെഡ്‌ക്രോസ് ജില്ലാ കോഓർഡിനേറ്റർ സിന്ധു സൈമൺ,പി.ടി.എ. പ്രസിഡന്റ് സി.കെ.ഗിരീഷ് കുമാർ, ലൈബ്രേറിയൻ യു.ബിന്ദു, സൂപ്രണ്ട് എമിൽ തോമസ് തുടങ്ങിയവർ പങ്കെടുത്തു.ഒരു മാസക്കാലം നീണ്ടു നിൽക്കുന്ന പരിപാടിയിൽ വിവിധ മേഖലയിലുള്ളവരെ ആദരിക്കും.