പേരാമ്പ്ര: അന്യസംസ്ഥാന തൊഴിലാളികളുമായി ആസാമിലേക്ക് പോയ ടൂറിസ്റ്റ് ബസ്സിന്റെ ഡ്രൈവർ അഭിജിത്തിന്റെ ദുരൂഹ മരണത്തിൽ സമഗ്രാന്വേഷണം നടത്തണമെന്ന് സർവകക്ഷി സമിതി ആവശ്യപ്പെട്ടു. അഭിജിത്തിന്റെ ഭൗതികദേഹത്തോട് തികഞ്ഞ അനാദരവാണ് കാണിച്ചത്. കുറ്റക്കാർക്കെതിരെ നിയമനടപടി സ്വീകരിക്കണമെന്ന് ആവശ്യപ്പെട്ട് മുഖ്യമന്ത്രി, എം.പി, എം.എൽ.എ, കളക്ടർ, ഡി.ജി.പി എന്നിവർക്ക് പരാതി നൽകാനും തീരുമാനിച്ചു.

വാർഡ് മെമ്പർ എൻ.പി ശോഭ അദ്ധ്യക്ഷത വഹിച്ചു. കെ.രാജീവൻ, സി.എച്ച് ഇബ്രാഹിംകുട്ടി, വി.സി. ബിനീഷ്, പി.കെ.രാഘവൻ, എം.കെ.രാമചന്ദ്രൻ, പി.റഷീദ് എന്നിവർ സംസാരിച്ചു. എൻ.എം ദാമോദരൻ സ്വാഗതം പറഞ്ഞു. എൻ.പി.ശോഭയെ സമിതി കൺവീനറായി തിരഞ്ഞെടുത്തു.