കുന്ദമംഗലം: മഹാമാരിക്കാലത്തും നിശബ്ദ സേവനം ചെയ്യുന്ന കോഴിക്കോട് കോർപ്പറേഷൻ ശുചീകരണ തൊഴിലാളികളെ പെരിങ്ങൊളം ഗവ. ഹയർ സെക്കൻഡറി സ്കൂളിലെ എൻ.എസ്.എസ് വോളണ്ടിയർമാർ സ്നേഹസമ്മാനങ്ങൾ നൽകി അനുമോദിച്ചു. ത്രി ലെയർ മാസ്ക്കുകൾ, സാനിറ്റൈസർ, ഹാൻഡ് വാഷ്, ഗ്ലൗസ്, ടിഷ്യു പേപ്പർ എന്നിവ അടങ്ങിയ ഇരുപത്തിയഞ്ചോളം കൊവിഡ് കിറ്റുകളാണ് മെഡിക്കൽ കോളേജ് ഹെൽത്ത് ഇൻസ്‌പെക്ടറുടെ ഓഫീസിൽ നടന്ന ചടങ്ങിൽ കൈമാറിയത്. എൻ.എസ്.എസ് കോഴിക്കോട് ജില്ലാ കോർഡിനേറ്റർ എസ്.ശ്രീചിത്ത്, ക്ലസ്റ്റർ കോർഡിനേറ്റർ കെ.സുധാകരൻ, പ്രിൻസിപ്പൾ ഇൻ ചാർജ് ഹസീല , പി.ടി.എ പ്രസിഡന്റ് ആർ.വി ജാഫർ, ജൂനിയർ ഹെൽത്ത് ഇൻസ്പെക്ടർ സമന്യ രവീന്ദ്രൻ ,സജിത്ത്,പ്രോഗ്രാം ഓഫീസർ രതീഷ് ആർ നായർ , എൻ.എസ്.എസ് വോളണ്ടിയർമാരായ സച്ചിൻ, മുഹമ്മദ് സിയാദ്, അശ്വതി, അനാമിക, കിരൺ എന്നിവർ പങ്കെടുത്തു.