രാമനാട്ടുകര:​ നാഷണൽ ഹൈവേ അതോറിറ്റിയുടെ അലംഭാവത്തിൽ കഴിഞ്ഞ ദിവസം രണ്ടു ജീവൻ കൂടി പൊലിഞ്ഞ ​രാമനാട്ടുകര ബൈപാസ് റോഡിൽ ​നാട്ടുകാരുടെ വേറിട്ട പ്രതിഷേധസമരം.​ അധികൃതരുടെ കണ്ണ് തുറപ്പിക്കാൻ കത്തിച്ച മെഴുകുതിരിയും പിടിച്ചായിരുന്നു നില്പ്സമരം.

ഫ്ളൈ ഓവറിനു തെക്കുഭാഗത്തെ ജംഗ്ഷനിൽ​ ​വാരിക്കുഴികൾ രൂപപ്പെട്ടിട്ട് നാളുകൾ ഏറെയായി .

നിരന്തരം അധികാരികളെ പ്രശ്നം ധരിപ്പിച്ചിട്ടും ഇതുവരെ ആരും തിരിഞ്ഞു നോക്കാത്തതിൽ പ്രതിഷേധിച്ച് രാമനാട്ടുകര മുനിസിപ്പാലിറ്റി ഏരിയാ റസിഡന്റ്‌സ് അസോസിയേഷൻ ഏകോപന സമിതി പ്രവർത്തക​രാണ് ​ സംഘടിച്ച് രംഗത്തിറങ്ങിയത്.

അപകടം നടന്ന കഴിഞ്ഞ ദിവസം ഈ കുഴികളിൽ അല്പം മെറ്റൽ കൊണ്ട് വന്ന് നിറച്ചിരുന്നു ഹൈവേ അതോറിറ്റിയുടെ ​ കരാറുകാർ. മെറ്റൽ അടർന്നുമാറിയതോടെ കഴിഞ്ഞ ദിവസം ഈ കുഴിയിൽ വീണ​ ഒരു ബൈക്ക് യാത്രക്കാര​ന് പരിക്കേറ്റിരുന്നു. സമരത്തിന് പ്രസിഡന്റ് ബഷീർ പറമ്പൻ , സിക്രട്ടറി കെ.സി.രവീന്ദ്രനാഥ്​ , രക്ഷാധികാരി ടി.പി.ശശിധരൻ എന്നിവർ നേതൃത്വം നൽകി.

.