പാലാ: നഗരസഭയിൽ ജനകീയ ശുചീകരണ പരിപാടികൾ നടന്നു. പരിപാടിയുടെ മുനിസിപ്പൽതല ഉദ്ഘാടനം നഗരസഭാ അങ്കണത്തിൽ മുനിസിപ്പൽ ചെയർമാൻ ആന്റോ ജോസ് പടിഞ്ഞാറേക്കര നിർവഹിച്ചു. വൈസ് ചെയർപേഴ്‌സൺ സിജി പ്രസാദ് അദ്ധ്യക്ഷത വഹിച്ചു. ആരോഗ്യ സ്റ്റാന്റിംഗ് കമ്മിറ്റി ചെയർമാൻ ബൈജു കൊല്ലംപറമ്പിൽ,വികസന സ്റ്റാൻഡിംഗ് കമ്മിറ്റി ചെയർമാൻ ഷാജു തുരുത്തൻ,വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ തോമസ് പീറ്റർ, കൗൺസിലർമാരായ ലീന സണ്ണി, ബിജി ജോജോ, പ്രൊഫ. സതീഷ് ചൊള്ളാനി, ജോസിൻ ബിനോ, മുൻസിപ്പൽ സെക്രട്ടറി പി.വി സലിം എന്നിവർ സംസാരിച്ചു. പാലാ നഗരസഭയിലെ വിവിധ വാർഡുകളിൽ നടന്ന ജനകീയ ശുചീകരണ പരിപാടികൾക്ക് വാർഡ് കൗൺസിലർമാർ നേതൃത്വം നൽകി. റെസിഡൻസ് അസോസിയേഷൻ, കുടുംബശ്രീ പ്രവർത്തകർ, നഗരസഭ ശുചീകരണ തൊഴിലാളികൾ എന്നിവർ പങ്കെടുത്തു