അടിമാലി: ന്യൂനപക്ഷ ക്ഷേമ വകുപ്പിനു കീഴിൽ അടിമാലിയിൽ പ്രവർത്തിക്കുന്ന ന്യൂനപക്ഷ യുവജന പരിശീലന ഉപകേന്ദ്രത്തിൽ ജൂലായ് മാസത്തിൽ ആരംഭിക്കുന്ന സർക്കാർ/അർദ്ധ സർക്കാർ നടത്തുന്ന വിവിധ മത്സര പരീക്ഷകൾക്ക് വേണ്ടിയുള്ള സൗജന്യ കോച്ചിങ്ങിന് അപേക്ഷ ക്ഷണിച്ചു. ഓൺലൈൻ അഭിമുഖത്തിന്റെ അടിസ്ഥാനത്തിൽ പ്രവേശനം ലഭിക്കുന്ന ഉദ്യോഗാർത്ഥികൾക്ക് പരിശീലനം തികച്ചും സൗജന്യം ആയിരിക്കും ന്യൂനപക്ഷ വിഭാഗങ്ങളായ മുസ്ലിം ക്രിസ്ത്യൻ,ബുദ്ധ ജൈന പാഴ്‌സി സിഖ് എന്നി വിഭാഗങ്ങൾക്കും മറ്റു ന്യൂനപക്ഷ പിന്നോക്ക വിഭാഗങ്ങൾക്കുമായി സീറ്റുകൾ സംവരണം ചെയ്തിരിക്കുന്നു ആറുമാസക്കാലമാണ് പരിശീലന കാലാവധി എല്ലാ ഞായറാഴ്ചയും രണ്ടാം ശനിയും ആണ് ക്ലാസ്സുകൾ രാവിലെ 10 മണി മുതൽ വൈകുന്നേരം 3 30 വരെയാണ് ക്ലാസ്. ജനറൽ ഇംഗ്ലീഷ്, മാത്തമാറ്റിക്‌സ് , മലയാളം ആനുകാലികം, ജനറൽനോളഡ്ജ്, ഐടി , സയൻസ് , ബാങ്കിംങ് , വ്യക്തിത്വ വികസനം തുടങ്ങിയ വിഷയങ്ങളിൽ പ്രഗത്ഭരായ അദ്ധ്യാപകർ ക്ലാസ്സുകൾക്ക് നേതൃത്വം നൽകും. അപേക്ഷ സമർപ്പിക്കേണ്ട അവസാന തിയതി ജൂൺ 16 ന് പകൽ 5 വരെ ഉദ്യോഗാർത്ഥികൾ 18 വയസ്സ് തികഞ്ഞവരും എസ്.എസ്.എൽ.സിയോ ഉയർന്ന യോഗ്യതയോ ഉള്ളവരും ആയിരിക്കണം. കൂടുതൽ 9446134484 എന്ന നമ്പരിൽ ഓൺലൈനായി സമർപ്പിക്കേണ്ടതാണെന്ന് പ്രിൻസിപ്പാൾ അറിയിച്ചു വിശദ വിവരങ്ങൾക്ക് 9446134484,9447512032 എന്ന നമ്പരിൽ ബന്ധപ്പെടുക