കോട്ടയം: കരാറുകാരനെ ആക്രമിച്ച പ്രതികളെ തേടി കോളനിയിൽ എത്തിയ പൊലീസുകാരെ ആക്രമിച്ച കേസിൽ ഗുണ്ട പിടിയിയിൽ. ഏറ്റുമാനൂർ കോട്ടമുറി ഇന്ദിരാ പ്രയദർശിനി കോളനി തൊട്ടിമാലിയിൽ അച്ചു സന്തോഷിനെ(25)യാണ് ഏറ്റുമാനൂർ പൊലീസ് അറസ്റ്റ് ചെയ്‌തത്. അതിരമ്പുഴ പഞ്ചായത്തിന് കീഴിൽ തെരുവുവിളക്കുകളുടെ അറ്റകുറ്റപ്പണി നടത്തുകയായിരുന്ന കരാർ ജീവനക്കാരൻ സുരേഷിനുനേരെ (49) ആക്രമണം നടന്നിരുന്നു. ഈ കേസിലെ പ്രതികൾ കോട്ടമുറി കോളനിയിൽ ഒളിവിൽ കഴിയുന്നതായി വിവരം ലഭിച്ചതിന്റെ അടിസ്ഥാനത്തിൽ പരിശോധനയ്‌ക്കെത്തിയ സീനിയർ സിവിൽ പൊലീസ് ഓഫീസർമാരായ അനീഷ്, രാജേഷ് എന്നിവരെ അച്ചു ആക്രമിക്കുകയായിരുന്നു.