ചങ്ങനാശേരി: പിന്നോട്ടെടുത്ത കാറിടിച്ച് വീട്ടമ്മ മരിച്ചു. പൂവം കൊച്ചുതറ വീട്ടിൽ ബിജുവിന്റെ ഭാര്യ ഷീല (45) ആണ് മരിച്ചത്. തിങ്കളാഴ്ച വൈകുന്നേരം 4.30 ഓടെ പെരുന്ന ഒന്നാം നമ്പർ ബസ് സ്റ്റാൻഡിനു എതിർവശത്തുള്ള ഇലക്ട്രോണിക് കടയുടെ മുന്നിലായിരുന്നു സംഭവം. ഭർത്താവ് ബിജുവിനൊപ്പം വീട്ടിലേയ്ക്ക് സാധനം വാങ്ങുന്നതിനായി എത്തിയപ്പോഴായിരുന്നു അപകടം. കടയുടെ പുറത്തെ നടപ്പാതയ്ക്ക് സമീപം നിൽക്കുകയായിരുന്നു ഷീല. ഇവിടെ എത്തിയ കാർ പാർക്ക് ചെയ്യുന്നതിനിടയിൽ ഷീലയുടെ മേൽ തട്ടുകയായിരുന്നു. തലയ്ക്ക് സാരമായി പരിക്കേറ്റ ഷീലയെ നാട്ടുകാർ ചെത്തിപ്പുഴയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും രാത്രി 8.30 ഓടെ മരിച്ചു. മക്കൾ: മോനിഷ, വിഷ്ണു, നിഷ, മോനിഷ് (ഗൾഫ്). മരുമകൻ: ബിനു. സംസ്കാരം പിന്നീട്.