കോട്ടയം: ലോക രക്തദാതാ ദിനാചരണത്തോടനുബന്ധിച്ച് സന്നദ്ധ രക്തദാനാ ക്യാമ്പും രക്തദാതാക്കളെ ആചരിക്കലും നടന്നു. കോട്ടയം കളക്ടറേറ്റിൽ നടന്ന ദിനാചരണം ജില്ലാ കളക്ടർ എം.അഞ്ജന ഉദ്ഘാടനം ചെയ്തു. ജില്ലയിൽ കൂടുതൽ തവണ രക്തം ദാനം ചെയ്തവരെ ചടങ്ങിൽ ആദരിച്ചു. 110 തവണ ദാനം ചെയ്ത ഷിബു തെക്കേമറ്റം,14 തവണ ദാനം ചെയ്ത ക്രിസ്റ്റീന കൃഷ്ണകുമാർ, ജയപ്രകാശ് (86 തവണ), സുനിൽ തോമസ് (68തവണ), ജെയ്‌സൺ കെ. ജോസ് (60തവണ), ജെയ്‌സൻ പ്ലാക്കണ്ണി (51തവണ), രതീഷ് രത്‌നാകരൻ,സുനു ജയലാൽ, വി.എൻ.വിജു, വി.ടി. ബിജു, റഫീഖ് അമ്പഴത്തിനാൽ (അഞ്ചുപേരും 50 തവണ), പി.ജെ. ജോസഫ് (47തവണ), ക്യാപ്റ്റൻ സതീഷ് തോമസ് (40തവണ), സോജി കളപ്പുരക്കൽ (39തവണ), അരുൺ പോൾ (38തവണ), ജെയ്‌സൺ ഞൊങ്ങിണിയിൽ, മഹേഷ് രാജു (ഇരുവരും 35തവണ), റാഫി മുഹമ്മദ് (34തവണ) എന്നിവർ ജില്ലാ കളക്ടറിൽ നിന്നു പ്രശസ്തി പത്രം ഏറ്റുവാങ്ങി. പരിപാടിയുടെ ഭാഗമായി നടന്ന സന്നദ്ധ രക്തദാന ക്യാമ്പ് സബ് കളക്ടർ രാജീവ് കുമാർ ചൗധരി രക്തം നൽകി ഉദ്ഘാടനം ചെയ്തു. ജില്ലാ മെഡിക്കൽ ഓഫീസർ ഡോ.ജേക്കബ് വർഗീസ് അധ്യക്ഷത വഹിച്ച ചടങ്ങിൽ ആരോഗ്യ കേരളം ജില്ലാ പ്രോഗ്രാം മാനേജർ ഡോ. വ്യാസ് സുകുമാരൻ, ജില്ലാ എയ്ഡ്‌സ് കൺട്രോൾ ഓഫീസർ ഡോ. ട്വിങ്കിൾ പ്രഭാകരൻ, ജില്ലാ മാസ് മീഡിയ ഓഫീസർ ഡോമി ജോൺ, പാലാ ബ്ലഡ് ഫോറം ജനറൽ കൺവീനർ ഷിബു തെക്കേമറ്റം, ഓൾ കേരള ഫോട്ടോഗ്രാഫേഴ്‌സ് അസോസിയേഷൻ ജില്ലാ പ്രസിഡന്റ് ജെയ്‌സൺ ഞൊങ്ങിണിയിൽ, സെക്രട്ടറി കെ ആർ സുരജ് എന്നിവർ സംസാരിച്ചു.