കോട്ടയം: ജില്ലാ ആയുർവേദ ആശുപത്രിയിലെ പുനർജനി പോസ്റ്റ് കൊവിഡ് വാർഡ് ജില്ലാ പഞ്ചായത്ത് പ്രസിഡന്റ് നിർമ്മലാ ജിമ്മി ഉദ്ഘാടനം ചെയ്തു. ആശുപത്രിക്ക് ജില്ലാ പഞ്ചായത്തിന്റെ സംഭാവനയായി പൾസ് ഓക്‌സീ മീറ്ററുകൾ പ്രസിഡന്റ് സംഭാവന ചെയ്തു. ആയുർവേദ ഡി.എം.ഒ ഡോ.സി.ജയശ്രീ, ചീഫ് മെഡിക്കൽ ഓഫീസർ ഡോ.ആർ.വി അജിത്, ആയുർവേദ മെഡിക്കൽ അസോസിയേഷൻ കോട്ടയം യൂണിറ്റ് സെക്രട്ടറി ഡോ.ഹൃഷികേശ്, എച്ച്.എം.സി മെമ്പർമാരായ അബ്ദുൾ സലാം, ഗൗതം നായർ, ടി.എൻ മനോജ്, എസ്.രാജീവ്, മാത്യു ജോർജ്, ബി.രാമചന്ദ്രൻ എന്നിവർ സംസാരിച്ചു.