ചെറുതോണി: കുട്ടികൾക്ക് വീടുകളിൽ ഡിജിറ്റൽ പഠന സൗകര്യമൊരുക്കുന്നതിന്റെ ഭാഗമായി കെ. എസ്. ടി. എ സംസ്ഥാന തലത്തിൽ സംഘടിപ്പിക്കുന്ന വീട്ടിലൊരു വിദ്യാലയം പദ്ധതിയുടെ ജില്ലാതല ഉദ്ഘാടനം നടത്തി. വാഴത്തോപ്പ് വൊക്കേഷണൽ ഹയർ സെക്കഡറി സ്‌കൂളിൽ പരിപാടിയുടെ ഉദ്ഘാടനം സി.ഐ. ടി.യു സംസ്ഥാന വൈസ് പ്രസിഡന്റ് കെ.കെ. ജയചന്ദ്രൻ നിർവ്വഹിച്ചു. ജില്ലയിലെ 390 യൂണിറ്റുകളിൽ അദ്ധ്യാപകരുടേയും സഹകരണസ്ഥാപനങ്ങളുടെയും സഹകരണത്തോടെ ആയിരം കുട്ടികൾക്കാണ് ഡിജിറ്റൽ പഠന സൗകര്യമൊരുക്കുന്നത്. പദ്ധതിയുടെ സബ് ജില്ലാതല ഉദ്ഘാടനങ്ങൾ തുടർ ദിവസങ്ങളിൽ നടക്കും.