വൈക്കം : വെസ്റ്റ് ഗവ.വൊക്കേഷണൽ ഹയർസെക്കൻഡറി സ്‌കൂളിലെ വിദ്യാർത്ഥികൾക്ക് അദ്ധ്യാപകരുടെ കൈതാങ്ങിൽ പഠനകി​റ്റുകൾ. സാമ്പത്തികമായി പിന്നാക്കം നില്ക്കുന്ന മേഖലകളിലെ വിദ്യാർത്ഥികളാണ് ഇവിടെ അധികവും. 1 മുതൽ 10 വരെ ക്ലാസുകളിലെ 74 വിദ്യാർത്ഥികൾക്കാണ് കി​റ്റുകൾ നല്കിയത്. ഏഴാം ക്ലാസ് വിദ്യാർത്ഥി അമൽ ജിത്തിന്റെ പിതാവ് കലാജിത്ത് വാങ്ങിയ പച്ചക്കറി കി​റ്റുകളും ചടങ്ങിൽ വിതരണം ചെയ്തു. നഗരസഭ ചെയർപേഴ്‌സൺ രേണുക രതീഷ് വിതരണം ഉദ്ഘാടനം ചെയ്തു. പി.ടി.എ പ്രസിഡന്റ് പി.എസ്.രേഖ അദ്ധ്യക്ഷത വഹിച്ചു. വൈസ് ചെയർമാൻ പി.ടി.സുഭാഷ് , വിദ്യാഭ്യാസ സ്റ്റാൻഡിംഗ് കമ്മി​റ്റി ചെയർപേഴ്‌സൺ ലേഖ ശ്രീകുമാർ വാർഡ് കൗൺസിലർ ബി. രാജശേഖരൻ, മുൻ നഗരസഭ ചെയർമാൻ ബിജു വി കണ്ണേഴൻ, കൗൺസിലർ അശോകൻ വെള്ളവേലി, പ്രഥമ അധ്യാപിക കെ.മിനി, പ്രിൻസിപ്പാൽ കെ.എൻ. ശ്രീകുമാർ എന്നിവർ പ്രസംഗിച്ചു.