കുറിച്ചി : കുറിച്ചി പഞ്ചായത്ത് 9 -ാം വാർഡ് കളമ്പാട്ടുചിറയിൽ താമസിക്കുന്ന നിർദ്ധന കുടുംബത്തിന് പാലം നിർമിച്ച് നൽകി കോൺഗ്രസ്‌ ബൂത്ത്‌ കമ്മിറ്റി. രണ്ട് വർഷത്തിലധികമായി കിഡ്നി സംബന്ധമായ രോഗത്താൽ ഡയാലിസിസിന് വിധേയനാണ് ഗൃഹനാഥൻ. റോഡിൽ നിന്ന് 7 അടിയോളം താഴെ മറ്റത്തിലാണ് ഇവരുടെ വീട് സ്ഥിതി ചെയ്യുന്നത്. വീട്ടിലേക്ക് ഇറങ്ങാൻ പഴയ ഒരു തടി പോസ്റ്റ്‌ മാത്രമാണ് ഉണ്ടായിരുന്നത്. കൂടാതെ മഴക്കാലത്തു വെള്ളം കയറുന്നതിനാൽ മാറിത്താമസിക്കുകയാണ് ഇവർ ചെയ്യുന്നത്. ഡയാലിസിസിനായി സാമ്പത്തിക സഹായം നൽകുന്നതിന് വന്ന കോൺഗ്രസ്‌ പ്രവർത്തകരോട് ആണ് ഇവർ ഇക്കാര്യം പറഞ്ഞത്. തുടർന്ന് ഇരുമ്പ് പാലം നിർമിച്ച് നൽകുകയായിരുന്നു. ജില്ലാ പഞ്ചായത്ത് അംഗം പി.കെ.വൈശാഖ് ഉദ്ഘാടനം ചെയ്തു. ബൂത്ത്‌ പ്രസിഡന്റ്‌ ഡോ. സരുൺ മോഹൻ അദ്ധ്യക്ഷത വഹിച്ചു. മണ്ഡലം പ്രസിഡന്റ്‌ ബിനു സോമൻ, ഡി.സി.സി അംഗം ബിജു കമ്പോളത്ത്പറമ്പിൽ, കെ.സി. വിൻസെന്റ്, മുൻ ബ്ലോക്ക്‌ പഞ്ചായത്ത് അംഗം ബെറ്റി ടോജോ, അരുൺ ബാബു, ബി അജിത്കുമാർ, യൂത്ത് കോൺഗ്രസ്‌ മണ്ഡലം പ്രസിഡന്റ്‌ നിജു വാണിയപ്പുരയിൽ, റ്റിബി തോമസ്,ഷാജൻ പുന്നൂസ്,ഷാജി കുരട്ടിമല ,ഓമനക്കുട്ടൻ തോണിക്കടവ്, ജിമ്മി ആഗസ്റ്റിൻ,ജീന ഷാജൻ,പ്രദോഷ് ചന്ദ്രൻ,റോസിലി കുരുവിള, ലിപ്സൺ സെബാസ്റ്റ്യൻ, അപ്പു കുറിച്ചി,ഷാജി ജോസഫ് , അബിൻ സജിൻ, ബാവിൻ ജിബി എന്നിവർ സംസാരിച്ചു.