ദക്ഷിണാഫ്രിക്കൻ തലസ്ഥാനമായ കേപ്പ് ടൗണിൽ ഖത്‍രോം കെ ഖിലാഡി 11 ന്റെ ചിത്രീകരണത്തിലാണ് നടി ദിവ്യാംങ്ക ത്രിപാഠി ദാഹിയ. തന്റെ വസ്ത്രധാരണത്തെക്കുറിച്ച് അഭിപ്രായം പറഞ്ഞ ട്വിറ്റർ ഉപഭോക്താവിനെതിരെ രംഗത്തെത്തിയിരിക്കുകയാണ് അവർ ഇപ്പോൾ. താൻ ആതിധേയത്വം വഹിച്ച ക്രെെ പട്രോൾ ടെലിവിഷൻ സീരീസിൽ വസ്ത്രത്തോടൊപ്പം ദുപ്പട്ട ധരിക്കാത്തത് ചോദ്യം ചെയ്ത വ്യക്തിക്ക് ദിവ്യാംങ്ക അനുയോജ്യമായ മറുപടി നൽകി.
ക്രെെ പെട്രോൾ എപ്പിസോഡിൽ താങ്കൾ എന്തുകൊണ്ടാണ് ദുപ്പട്ട ധരിക്കാത്തത് എന്ന ചോദ്യം ഗ്യാൻശ്യാം ശർമ്മ എന്ന ട്വിറ്റർ അകൗണ്ടിൽ നിന്നാണ് ട്വീറ്റ് ചെയ്തത്. ഇതിന് ട്വിറ്ററിലൂടെ തന്നെ ദിവ്യാംങ്ക മറുപടി നൽകി. ദുപ്പട്ട ധരിച്ചില്ലെങ്കിലും നിങ്ങളെപ്പോലുളളവർ സ്ത്രീകളെ ബഹുമാനിക്കാൻ പഠിക്കുക. സ്ത്രീകളെ വിലയിരുത്തുന്ന രീതി ദയവായി മാറ്റുക. സ്ത്രീകളുടെ വസ്ത്രധാരണത്തെക്കുറിച്ച് അഭിപ്രായപ്പെടരുത്. എന്റെ ശരീരം, എന്റെ സൽപ്പേര്, എന്റെ ഇഷ്ടം! നിങ്ങളുടെ മാന്യത, ആഗ്രഹം എന്നും ദിവ്യാംങ്ക ട്വീറ്റ് ചെയ്തു.
Taaki aap jaise bin dupatte ki ladkiyon ko bhi izzat se dekhne ki aadat dalein! Kripya khud ki aur apne aas paas ke ladkon ki neeyat sudharen, na ki aurat jaat ke pehnaave ka beda uthaayen!
— Divyanka T Dahiya (@Divyanka_T) May 31, 2021
Mera shareer, meri aabru, meri marzi! Aap ki sharaafat, aap ki marzi! https://t.co/tzv5CaIlte
പിന്നാലെ ഈ സംഭവത്തിൽ ഇരുവരെയും അനുകൂലിച്ചും പ്രതികൂലിച്ചും നിരവധിപ്പേർ ട്വിറ്ററിൽ രംഗത്തെത്തി. മാഡം, നിങ്ങൾ ഗ്യാൻശ്യാംജിയുടെ സ്വഭാവത്തെ ചോദ്യം ചെയ്തു. പക്ഷേ അദ്ദേഹം ഒരു ആരാധകനാകാനും നിങ്ങളെ ദുപ്പട്ട ഉപയോഗിച്ച് കാണാൻ ഇഷ്ടപ്പെടാനും സാദ്ധ്യതയുണ്ടെന്നും ഒരാൾ പ്രതികരിച്ചു.
जी संभव है! यदि वह फैन हैं तो उस प्रेम को सलाम. 🙏
— Divyanka T Dahiya (@Divyanka_T) May 31, 2021
पर महिलाओं के परिधान पर सवाल करना अब पुरातन काल कि बात हो गई है. हम अभिनय, विज्ञान, राजनीति, इतिहास, भूगोल कई विषयों पर चर्चा कर सकते हैं ! दुपट्टा अत्यंत तुच्छ विषय है उस मुक़ाबले. https://t.co/BduFP4d0lg
അതെ ആയിരിക്കാം, അദ്ദേഹം ഒരു ആരാധകനാണെങ്കിൽ ആ സ്നേഹത്തെ അഭിവാദനം ചെയ്യുന്നു. എന്നാൽ സ്ത്രീകളുടെ വസ്ത്രധാരണത്തെ ചോദ്യം ചെയ്യുന്നത് ഇപ്പോൾ പഴയകാര്യമാണ്. അഭിനയം, ശാസ്ത്രം, രാഷ്ട്രീയം, ചരിത്രം ഭൂമിശാസ്ത്രം തുടങ്ങിയ വിഷയങ്ങൾ നമുക്ക് ചർച്ചചെയ്യാം. ഇതുമായി താരതമ്മ്യപ്പെടുത്തുമ്പോൾ വളരെ നിസാരമായ വിഷയമാണ് ദുപ്പട്ടയെന്നും ദിവ്യാംങ്ക മറുപടി നൽകി.