കന്നട താരം രക്ഷിത് ഷെട്ടിയുടെ ഏറ്റവും പുതിയ ചിത്രമായ 777 ചാർളിയുടെ മലയാളം പതിപ്പിന്റെ വിതരണാവകാശം പൃഥ്വിരാജ് പ്രൊഡക്ഷൻസിന്. ചിത്രത്തിന്റെ ഒഫീഷ്യൽ ടീസർ ജൂൺ 6ന് റിലീസ് ചെയ്യും. മലയാളം, കന്നട, തമിഴ്, തെലുങ്ക്, ഹിന്ദി ഭാഷകളിലായി മലയാളിയായ കിരൺരാജാണ് ചിത്രം സംവിധാനം ചെയ്യുന്നത്. ഏകാന്തതയിൽ തളച്ചിടപ്പെട്ട നായകന്റെ ജീവിതത്തിലേക്ക് വികൃതിയായ ഒരു നായ കടന്നുവരുന്നതും ഇവർ തമ്മിലുള്ള ആത്മബന്ധവുമാണ് ചിത്രത്തിന്റെ പ്രമേയം. പരംവഹ് സ്റ്റുഡിയോയുടെ ബാനറിൽ ജി. എസ് . ഗുപ്ത, രക്ഷിത് ഷെട്ടി എന്നിവർ ചേർന്നാണ് നിർമാണം.വിനീത് ശ്രീനിവാസനാണ് ടീസർ സോംഗാണ് ആലപിച്ചിരിക്കുന്നത്. മലയാളിയായ നോബിൻ പോളാണ് സംഗീത സംവിധാനം. ഛായാഗ്രഹണം അരവിന്ദ് എസ്. കശ്യപ്, എഡിറ്റർ പ്രതീക് ഷെട്ടി, സംഭാഷണം കിരൺരാജ് കെ, രാജ് ബി. ഷെട്ടി, അഭിജ്ത് മഹേഷ്.