ആറ് കഥകളുമായി എത്തുന്ന "ചെരാതുകൾ" ആന്തോളജി സിനിമയുടെ ടീസർ "123 മ്യൂസിക്സ്" യൂട്യൂബ് ചാനലിലൂടെ നടൻ ഉണ്ണി മുകുന്ദൻ റിലീസ് ചെയ്തു. ആദിൽ, മറീന മൈക്കിൽ, മാല പാർവതി, ദേവകി രാജേന്ദ്രൻ, ശിവാജി ഗുരുവായൂർ എന്നിവരാണ് പ്രധാനകഥാപാത്രങ്ങളെ അവതരിപ്പിച്ചിരിക്കുന്നത്. വിധു പ്രതാപ്, നിത്യ മാമ്മൻ, കാവാലം ശ്രീകുമാർ, ഇഷാൻ ദേവ് എന്നിവർ ആലപിച്ച മൂന്ന് ഗാനങ്ങളാണ് സിനിമയിൽ ഉള്ളത്. മെജ്ജോ ജോസ്സഫ്, പ്രതീക് അഭ്യങ്കർ, റെജിമോൻ എന്നിവരാണ് സംഗീത സംവിധാനം നിർവഹിച്ചിരിക്കുന്നത്. ഗാന രചന ഡോ. മാത്യു മാമ്പ്രയും അനു കുരിശിങ്കലുമാണ്. അമേരിക്കയിലെ ന്യൂ ജേഴ്‌സി ഫിലിം ഫെസ്റ്റിവലിൽ മലയാളത്തിനു അഭിമാനമായ ഈ ചിത്രം മികച്ച ചിത്രത്തിനുള്ള അവാർഡ് നേടിയിരുന്നു. ആറു തിരഞ്ഞെടുത്ത പുതുമുഖ സംവിധായകരെ കോർത്തിണക്കിക്കൊണ്ട് മാമ്പ്ര ഫൗണ്ടേഷന്റെ ബാനറിൽ ഡോക്ടർ മാത്യു മാമ്പ്ര നിർമ്മിക്കുന്ന "ചെരാതുകൾ" അഞ്ചു പ്രമുഖ ഒ.ടി.ടികൾ വഴി ജൂൺ 17-നാണ് പ്രദർശനത്തിനെത്തുന്നത്. മനോഹരി ജോയ്, പാർവതി അരുൺ, മരിയ പ്രിൻസ്, ബാബു അന്നൂർ, അശ്വിൻ ജോസ്, അനൂപ് മോഹൻദാസ് എന്നിവരും ചിത്രത്തിൽ പ്രധാന വേഷങ്ങളിലെത്തുന്നുണ്ട്. ആറു ഛായാഗ്രഹകരും ആറു ചിത്രസംയോജകരും ആറു സംഗീത സംവിധായകരും ചിത്രത്തിനുണ്ട്. പി.ആർ.ഒ: പി.ശിവപ്രസാദ്