മുംബയ്: പ്രശസ്ത ഹിന്ദി ടെലിവിഷൻ താരം പേൾ വി. പുരി പോക്സോ കേസിൽ അറസ്റ്റിൽ. ടെലിവിഷൻ സീരിയലുകളിൽ അഭിനയിക്കാൻ അവസരം വാഗ്​ദാനം ചെയ്​ത്​ പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്​തുവെന്നും അപമാനിച്ചുവെന്നുമാണ്​ പരാതി. വെള്ളിയാഴ്ച വൈകിട്ടാണ്​ നടൻ അറസ്റ്റിലാകുന്നത്. കേസിൽ മറ്റ് അഞ്ചുപേർക്കെതിരെയും കേസെടുത്തിട്ടുണ്ട്. പ്രതികൾ നിരവധി തവണ ബലാത്സംഗം ചെയ്തെന്ന് പെൺകുട്ടി പരാതിയിൽ പറയുന്നു. നാഗിൻ 3, ബ്രഹ്​മരക്ഷസ്​ 2, ദിൽ കി നസർ സേ ഖൂബ്​സുരത്​ തുടങ്ങി നിരവധി സീരിയലുകളിൽ പേൾ മുഖ്യ കഥാപാത്രങ്ങളെ അവതരിപ്പിച്ചിരുന്നു.