തിരുവനന്തപുരം: സംസ്ഥാനത്ത് പ്രതിദിന കൊവിഡ് മരണങ്ങൾ വീണ്ടും 200 കടന്നു. ഇന്നലെ 209 മരണങ്ങളാണ് റിപ്പോർട്ട് ചെയ്തത്. ഇതോടെ ആകെ മരണം 9719 ആയി. ബുധനാഴ്ച 213 മരണങ്ങൾ റിപ്പോർട്ട് ചെയ്തതാണ് ഇതുവരെയുള്ളതിൽ ഏറ്റവും ഉയർന്ന നിരക്ക്. അതോടൊപ്പം17,328 പേർ കൂടി കൊവിഡ് ബാധിതരായി. ടെസ്റ്റ് പോസിറ്റിവിറ്റി നിരക്ക് 14.89%. 24 മണിക്കൂറിനിടെ 1,16,354 സാമ്പിളുകളാണ് പരിശോധിച്ചത്. ഇന്നലെ രോഗം സ്ഥിരീകരിച്ചവരിൽ 16,140 പേർ സമ്പർക്കരോഗികളാണ്.

1007 പേരുടെ സമ്പർക്ക ഉറവിടം വ്യക്തമല്ല. 112 പേരാണ് സംസ്ഥാനത്തിന് പുറത്തുനിന്നു വന്നവർ. 69 ആരോഗ്യ പ്രവർത്തകരും രോഗബാധിതരായി. അതേസമയം ചികിത്സയിലായിരുന്ന 24,003 പേർ രോഗമുക്തി നേടി.

 തലസ്ഥാനം മുന്നിൽ

ഇന്നലെ തിരുവനന്തപുരത്താണ് രോഗവ്യാപനം കൂടുതൽ. ജില്ലയിൽ 2468 കേസുകളാണ് റിപ്പോ‌ർട്ട് ചെയ്തത്. മലപ്പുറം 1980, പാലക്കാട് 1899, കൊല്ലം 1787, എറണാകുളം 1769, തൃശൂർ 1582, കോഴിക്കോട് 1497, ആലപ്പുഴ 1212, കോട്ടയം 822, കണ്ണൂർ 684, കാസർകോട് 520, പത്തനംതിട്ട 472, ഇടുക്കി 395, വയനാട് 241 എന്നിങ്ങനെയാണ് ജില്ലകളിലെ സ്ഥിതി.

ആകെ രോഗികൾ 2,61,84,10