മുംബയ്: മുംബയിൽ ബഹുനില കെട്ടിടം തകർന്നുവീണ് ഒമ്പത് മരണം. പതിനേഴോളം പേർക്ക് പരിക്കേറ്റതായാണ് വിവരം. ബുധനാഴ്‌ച രാത്രി 11.10ഓടെയാണ് സംഭവം. കനത്തമഴയെ തുടർന്നാണ് കാലപ്പഴക്കമുളള കെട്ടിടം തകർന്നുവീണത്.

അപകടം നടക്കുന്ന സമയത്ത് 70 പേർ കെട്ടിടത്തിനകത്തുണ്ടായിരുന്നുവെന്നാണ് നിഗമനം. സ്ത്രീകളും കുട്ടികളും അട്ടക്കമുള്ളവരെ രക്ഷപ്പെടുത്തിയെങ്കിലും, ഇനിയും നിരവധി പേർ കെട്ടിടാവശിഷ്‌ടങ്ങളിൽ കുടുങ്ങിക്കിടപ്പുണ്ടെന്ന് ദൃക്‌സാക്ഷികൾ പറയുന്നു.

പൊലീസും അഗ്‌നിശമനരക്ഷാസേനാ അംഗങ്ങളും രക്ഷാപ്രവർത്തനം തുടരുകയാണ്.

തകർന്നുവീണ കെട്ടിടത്തിന് സമീപമുളള മൂന്ന് കെട്ടിടത്തിൽ നിന്ന് ബിഎംസി ആളുകളെ ഒഴിപ്പിക്കുകയാണ്. ഇവയും ജീർണാവസ്ഥയിലാണ്.