സാൻ ഫ്രാൻസിസ്‌കോ: വിൻഡോസിന്റെ പുതിയ പതിപ്പ് വിൻഡോസ് 11 ഈമാസം 24 ന് എത്തിയേക്കും. ഇതോടെ വിൻഡോസ് 10 ചരിത്രമാകും. പുതിയ അപ്‌ഡേഷനുകളൊന്നും വിൻഡോസ് 10 ൽ ലഭിക്കാതാകും. 2015 ജൂലായ് 15 നാണ് വിൻഡോസ് 10 പുറത്തിറക്കിയത്. ഡ്യൂയൽ സ്‌ക്രീൻ ഡിവൈസുകൾക്കായി അവതരിപ്പിച്ച വിൻഡോസ് 10എക്‌സ് നേരത്തെ മൈക്രോസോഫ്റ്റ് പിൻവലിച്ചിരുന്നു. മികച്ച അപ്‌ഡേറ്റുകളുമായി വിൻഡോസിന്റെ പുതിയ പതിപ്പ് ഉപഭോക്താക്കൾക്ക് ഉടൻ ലഭ്യമാകുമെന്ന് മൈക്രോസോഫ്‌റ്റ് നിയുക്ത ചെയർമാൻ സത്യ നദെല്ല കഴിഞ്ഞ ദിവസം പറഞ്ഞിരുന്നു. പരീക്ഷണത്തിന്റെ ഭാഗമായി കഴിഞ്ഞ ഏതാനും മാസങ്ങളായി നദെല്ല പുതിയ വിൻഡോസ് ആണ് ഉപയോഗിക്കുന്നതെന്നും റിപ്പോർട്ടുകളുണ്ട്.