മ്യൂണിക്: യൂറോ കപ്പ് സ്പോൺസർമാരായ കൊക്കകോളയുടെ രണ്ട് കുപ്പികൾ വാർത്താസമ്മേളനത്തിനിടെ എടുത്തു മാറ്റിയ പോർച്ചുഗൽ ക്യാപ്ടൻ ക്രിസ്റ്റ്യാനോ റൊണാൾഡോയുടെ നടപടി ലോകശ്രദ്ധ ആകർഷിച്ചിരുന്നു. മുന്നിലിരുന്ന കൊക്കകോളയുടെ രണ്ട് കുപ്പികൾ എടുത്ത് മാറ്റി പകരം വെള്ളകുപ്പികൾ എടുത്ത് വച്ച ശേഷം മുന്നിലിരുന്നവരോട് വെള്ളം ആവശ്യപ്പെടുകയായിരുന്നു ഇതിന് പിന്നാലെ ക്രിസ്റ്റ്യാനോയുടെ മാർഗം പിന്തുടർന്ന് ഫ്രാൻസിന്റെ സൂപ്പർ താരം പോൾ പോഗ്ബയും രംഗത്തുവന്നു.
ജർമനിക്കെതിരായ മത്സരത്തിന് ശേഷം നടന്ന വാർത്താസമ്മേളനത്തിനിടെ മുന്നിലെ മേശയിലുള്ള ഹെയ്‌നെകെൻ കമ്പനിയുടെ ബിയർ കുപ്പി എടുത്തുമാറ്റിയാണ് പോഗ്ബ ക്രിസ്റ്റിയാനോയെ മാതൃകയാക്കിയത്. യൂറോ കപ്പിന്റെ പ്രധാന സ്‌പോൺസർമാരിൽ ഒരാളാണ് ഹെയ്‌നെകെൻ.
After #POR captain Cristiano Ronaldo and his Coca Cola removal, #FRA’s Paul Pogba makes sure there’s no Heineken on display 🍺 #EURO2020
— Sacha Pisani (@Sachk0) June 16, 2021
pic.twitter.com/U9Bf5evJcl
ഇസ്ലാം മതവിശ്വാസിയായ പോഗ്ബ മദ്യ ബ്രാന്റുകളെ പ്രോത്സാഹിപ്പിക്കുന്ന പരസ്യത്തിൽനിന്ന് നേരത്തെ വിട്ടുനിന്നിരുന്നു. ബർത്ത്ഡേ പാർട്ടികളിൽ താൻ മദ്യപിക്കാറില്ലെന്നും പോഗ്ബ നേരത്തെ വ്യക്തമാക്കിയിരുന്നു