കണ്ണൂർ: സ്വർണക്കടത്ത് ക്വട്ടേഷൻ സംഘാംഗമായ അഴീക്കോട്ടെ അർജുൻ ആയങ്കി ഉപയോഗിച്ച കാർ കണ്ടെത്തി. കണ്ണൂർ പരിയാരം കുളപ്പുറത്താണ് ഉപേക്ഷിക്കപ്പെട്ട നിലയിൽ കാർ കണ്ടെത്തിയത്. ഇതിന്റെ നമ്പർപ്ലേറ്റ് ഇളക്കിമാറ്റിയ നിലയിലായിരുന്നു. പൊലീസും കസ്റ്റംസും അന്വേഷണം ശക്തമാക്കിയതോടെ കാർ ഇവിടെ ഉപേക്ഷിക്കുകയായിരുന്നു എന്നാണ് കരുതുന്നത്. കാർ പൊലീസ് സ്റ്റേഷനിലേക്ക് മാറ്റി.

ദിവസങ്ങൾക്കുമുമ്പ് അഴീക്കൽ ഉരുക്കുനിർമ്മാണ ശാലയ്ക്ക് സമീപം ഒളിപ്പിച്ച നിലയിൽ കാർ കണ്ടെത്തിയിരുന്നുവെങ്കിലും പൊലീസ് സ്ഥലത്തെത്തുംമുമ്പ് അവിടെ നിന്ന് മാറ്റിയിരുന്നു. കാറിന്റെ ഉടമസ്ഥനായ ഡി വൈ എഫ് ഐ നേതാവ് സജേഷിനെ സംഘടനയിൽ നിന്ന് പുറത്താക്കിയിരുന്നു.