ലോക സിനിമയിൽ ആദ്യമായി പുഴയിൽ മാത്രം ചിത്രികരിച്ച പുഴയമ്മ എന്ന ചി​ത്രം ജൂലൈ ഒന്നിന് ജിയോ സിനിമയിലൂടെ റിലീസ് ചെയ്യുന്നു.
ദേശീയ അന്തർദേശീയ അംഗീകാരങ്ങൾ നിരവധി നേടിയിട്ടുള്ള
വിജീഷ് മണി കഥയെഴുതി സംവിധാനം ചെയ്യുന്ന ഈ ചിത്രം ശ്രീഗോകുലം മൂവിസിനു വേണ്ടി ഗോകുലം ഗോപാലനാണ് നിർമ്മിക്കുന്നത്.

പ്രളയ നൊമ്പരങ്ങളിലൂടെ മഴ എന്ന പെൺകുട്ടിയുടെയും, റോസാ ലിൻഡ എന്ന വിദേശ വനിതയുടെയും സൗഹൃദത്തിന്റെ കഥയാണ് ' പുഴയമ്മ ' പറയുന്നത്. മീനാക്ഷി ഹോളിവുഡ് നടി ലിൻഡാ അർ സാനിയോ എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു. തമ്പി ആന്റണി, പ്രകാശ് ചെങ്ങൽ, ഉണ്ണിരാജ റോജി പി. കുര്യൻ, കെ.പി. ഏ.സി ലീലാകൃഷ്ണൻ, സനിൽ പൈങ്ങാടൻ, ഡൊമനിക് ജോസഫ്, ആഷ്‌ലി ബോബൻ, ലക്ഷിമിക രാജേഷ് ബി.അജിത്ത് ,മാസ്റ്റർ വിരാട് വിജീഷ് എന്നിവർക്കൊപ്പം പ്രശസ്ത സാമൂഹ്യ പ്രവർത്തകയായ ബഹറി​ൻ സ്വദേശിനി​ ഫാത്തിമ അൽ മൻസൂരി അതിഥി താരമായി​ പ്രത്യക്ഷപ്പെടുന്നു.