റോം: ചരിത്രത്തിലാദ്യമായി റോമാ സാമ്രാജ്യത്തിന്റെ തിരുശേഷിപ്പായ 2,000 വർഷം പഴക്കമുള്ള കൊളോസിയത്തിന്റെ അണിയറയായി കരുതുന്ന ഭൂഗർഭ പാതകളും ചേംബറുകളും സന്ദർശകർക്കായി തുറന്നു. ഇറ്റലി ആസ്ഥാനമായുള്ള ഫാഷൻ ബ്രാൻഡായ 'ടോഡ്​സി​ന്റെ സാമ്പത്തിക സഹായത്തോടെ അടുത്തിടെ ഭൂഗർഭ പാതകളുടെ പുനരുദ്ധാരണം

പൂർത്തിയാക്കിയിരുന്നു. ഇതിന്റെ തുടർച്ചയായാണ്​ കൊളോസിയത്തിന്റെ ഭൂഗർഭ ഭാഗവും തുറന്നത്​.

2010 മുതൽ​ പ്രവേശനം ലഭിച്ചിരുന്നുവെങ്കിലും വളരെ ചെറിയ ഒരു ഭാഗത്ത് മാത്രമായിരുന്നു എത്താനായിരുന്നത്​. എന്നാൽ, പുനരുദ്ധാരണ പ്രവൃത്തികളുടെ ഭാഗമായി സന്ദർശക‌ർ

ക്ക്​ നടന്നുനീങ്ങാൻ പ്രത്യേകം നടപ്പാതകൾ ഒരുക്കിയിട്ടുണ്ട്​.80 പുരാവസ്​തു ഗവേഷകർ, ശിൽപികൾ, എൻജിനിയമാർ എന്നിവർ ചേർന്നാണ്​ പുനരുദ്ധാരണം പൂർത്തിയാക്കിയത്​. റോമിലെ സ്​മാരകങ്ങളും പൗരാണിക നിർമിതികളും വീണ്ടെടുക്കാൻ ഇറ്റാലിയൻ സർക്കാർ വിപുലമായ പദ്ധതികളാണ്​ നടപ്പാക്കിവരുന്നത്​. 2024ഓടെ പദ്ധതി പൂർത്തിയാക്കും.

@കൊളോസിയം

നൂറ്റാണ്ടുകൾക്ക് മുൻപ് നിലനിന്നിരുന്ന അതിക്രൂര വിനോദമായ ഗ്ലാഡിയേറ്റർ മല്ല യുദ്ധത്തിന്റെ വേദിയായിരുന്ന കൊളോസിയം 19-ാം നൂറ്റാണ്ടിലാണ് ഖനനത്തിലൂടെ കണ്ടെത്തുന്നത്.

മത്സരത്തിനെത്തുന്ന മനുഷ്യരെയും മൃഗങ്ങളെയും ഒരുക്കാനുള്ള അണിയറയായി പ്രവർത്തിച്ചിരുന്നത്​ ഈ ഭൂഗർഭ ചേംബറുകളായിരുന്നു. എ.ഡി 80ൽ തുറന്ന്​ 523 വരെയാണ്​ കൊളോസിയം സജീവമായിരുന്നതെന്നാണ്​ നിഗമനം.