ചെങ്ങന്നൂർ : പതിനഞ്ച് വർഷത്തിൽ കൂടുതൽ പഴക്കമുള്ള ഡീസൽ ഓട്ടോറിക്ഷകൾ സംസ്ഥാനത്ത് നിരോധിച്ച നടപടിയിൽ അടിയന്തര ഇടപെടൽ ആവശ്യപ്പെട്ട് കെ.പി.സി.സി വർക്കിംഗ് പ്രസിഡന്റ് കൊടിക്കുന്നിൽ സുരേഷ് എം.പി കേന്ദ്ര ഗതാതഗത വകുപ്പ് മന്ത്രി നിതിൻ ഗാഡ്കരിക്ക് കത്ത് നൽകി. കൊവിഡ് വ്യാപനത്തിന്റെ സാഹചര്യത്തിൽ ഓട്ടോറിക്ഷ തൊഴിലാളികൾ കടുത്ത അസാമ്പത്തിക പ്രതിസന്ധിയിലാണെന്നും ഈ അവസ്ഥയിൽ വലിയ സാമ്പത്തിക ബാദ്ധ്യത ഉണ്ടാകുന്ന രീതിയിൽ ഓട്ടോറിക്ഷ വാങ്ങാനുള്ള സാഹചര്യം ഇല്ലെന്നും അതിനാൽ നിയമം നടപ്പിലാക്കുന്നത് ഒരു വർഷത്തേക്കെങ്കിലും നീട്ടിവെക്കണമെന്നുമാണ് കത്തിൽ ആവശ്യപെട്ടിട്ടിരിക്കുന്നത്.