ആറന്മുള : ബി.ജെ.പിക്കും സംസ്ഥാന അദ്ധ്യക്ഷനെതിരെയും കള്ളക്കേസുകൾ ചുമത്തുകയും, കുപ്രചരണങ്ങൾ നടത്തുന്നതിനെതിരെയും ബി.ജെ.പി ആറന്മുള നിയോജകമണ്ഡലം കമ്മിറ്റി സത്യാഗ്രഹസമരം നടത്തി. ഐക്കര ജംഗ്ഷനിൽ പാർട്ടി ദേശീയ നിർവാഹക സമിതിയംഗം വി.എൻ ഉണ്ണി സത്യഗ്രഹ സമരം ഉദ്ഘാടനം ചെയ്തു. മണ്ഡലം പ്രസിഡന്റ് അഭിലാഷ് ഓമല്ലൂർ അദ്ധ്യക്ഷത വഹിച്ചു. ബി.ജെ.പി ജില്ലാ പ്രസിഡന്റ് അശോകൻ കുളനട മുഖ്യപ്രഭാഷണം നടത്തി. പട്ടികജാതി മോർച്ച സംസ്ഥാന സെക്രട്ടറി കെ.കെ ശശി, ബി.ജെ.പി ജില്ലാ നേതാക്കളായ ബിന്ദു പ്രസാദ്, പി.ആർ ഷാജി, ജയ ശ്രീകുമാർ, യുവമോർച്ച ജില്ലാ പ്രസിഡന്റ് ഹരീഷ് പൂവത്തൂർ, ബി.ജെ.പി നിയോജകമണ്ഡലം ജനറൽ സെക്രട്ടറിമാരായ പി .ബാബു, സൂരജ് ഇലന്തൂർ, മണ്ഡലം നേതാക്കളായ കെ. ആർ. ശ്രീകുമാർ, വി.എസ്. അനിൽ, വിപിൻ വാസുദേവ്, ബിനോയ് മാത്തൂർ, വി.സുരേഷ്‌കുമാർ എന്നിവർ പ്രസംഗിച്ചു.