കോഴഞ്ചേരി : വായനദിനത്തോടനുബന്ധിച്ച് സ്കൂളിലെ എല്ലാ കുട്ടികൾക്കും അവരവരുടെ വീടുകളിൽ പുസ്തകങ്ങൾ എത്തിച്ചു മതാപ്പാറ സ്കൂളിലെ അദ്ധ്യാപകരും അനദ്ധ്യാപകരും. അയിരൂർ പുതിയകാവ് കവലയിൽ ബ്ലോക്ക്‌ പഞ്ചായത്ത്‌ അംഗവും പൂർവവിദ്യാർത്ഥിയുമായ വി.പ്രസാദ് പുസ്തകവണ്ടി ഫ്ലാഗ് ഓഫ്‌ ചെയ്തു. ഒൻപതാം ക്ലാസ് വിദ്യാർത്ഥിനി പൂജ.ബി.നായർക്കു അദ്ദേഹം പുസ്തകം നൽകി വായനദിനം ഉദ്ഘാടനം ചെയ്തു. പുസ്തകങ്ങൾ വായിച്ചതിനുശേഷം ഏറ്റവും നല്ല വായനക്കുറിപ്പിന് സമ്മാനങ്ങൾ പ്രഖ്യാപിച്ചു. ഹെഡ്മാസ്റ്റർ നൈനാൻ കോശി , ആർ.അനിൽകുമാർ.,സിമി ജോൺ,കവിതാ കൃഷ്ണൻ,പി.എ.അനിഷ വർഗീസ്, രാജു കുന്നത്തുമഠത്തിൽ എന്നിവർ പ്രസംഗിച്ചു.