രാജാക്കാട് : കൊച്ചുമുല്ലക്കാനത്ത് ബി.എസ്.എൻ.എൽ ടവറിന്റെ മുകളിൽ കുടുങ്ങിയ ജീവനക്കാരനെ അഗ്നിരക്ഷാസേന രക്ഷപ്പെടുത്തി.
ഇന്നലെ ഉച്ചകഴിഞ്ഞ് മൂന്നോടെയാണ് സംഭവം. സ്വകാര്യ വ്യക്തിയുടെ പുരയിടത്തിൽ സ്ഥാപിച്ചിരിക്കുന്ന ടവറിൽ അറ്റകുറ്റപ്പണികൾക്കായി കയറിയ ബി.എസ്.എൻ.എൽ ജീവനക്കാരനായ പത്തനംതിട്ട കൊടുമൺ അജിത് ഭവനിൽ അജിത്ത് (26) ആണ് കുടുങ്ങിയത്.അജിത്തിന് താഴെ ഇറങ്ങാൻ കഴിയാതെ വന്നതോടെ കൂടെയുണ്ടായിരുന്നവർ അടിമാലി അഗ്നിരക്ഷാസേനയിലും രാജാക്കാട് പൊലീസിലും വിവരമറിയിച്ചു. ടവറിൽ കയറി വലയും വടവും ഉപയോഗിച്ച് അജിത്തിനെ താഴെയിറക്കുകയായിരുന്നു. അടിമാലി താലൂക്ക് ആശുപത്രിയിൽ പ്രവേശിപ്പിച്ചു.