 സ്കൂ​ളി​ലും മൈ​താ​ന​ത്തു​മാ​യി 853 കി​ട​ക്ക​കൾ

കൊ​ല്ലം: ച​വ​റ ശ​ങ്ക​ര​മം​ഗ​ലം ഗ​വ. ഹ​യർ സെ​ക്കൻ​ഡ​റി സ്​കൂൾ മൈ​താ​ന​ത്ത് കെ.എം.എം.എൽ സജ്ജമാക്കി​യ 604 ഓ​ക്‌​സി​ജൻ കി​ട​ക്ക​ക​ളോ​ടു​കൂ​ടി​യ കൊ​വി​ഡ് സെ​ക്കൻ​ഡ് ലൈൻ ട്രീ​റ്റ്‌​മെന്റ് സെന്റർ ജില്ലാ ഭ​ര​ണ​കൂ​ട​ത്തി​ന് കൈ​മാ​റി. നേ​ര​ത്തെ ക്ലാ​സ് മുറിക​ളിൽ 249 ഓ​ക്‌​സി​ജൻ കി​ട​ക്ക​ക​ളു​ള്ള കൊ​വി​ഡ് സെന്റർ സ​ജ്ജ​മാ​ക്കി​യി​രു​ന്നു. ഇ​തോ​ടെ സ്കൂളിൽ കൊ​വി​ഡ് ചി​കി​ത്സ​യ്ക്കു​ള്ള കി​ട​ക്ക​ക​ളു​ടെ എ​ണ്ണം 853 ആ​യി.

കി​ട​ക്ക​കൾ സജ്ജീ​ക​രി​ക്കുന്നതിനായി അഞ്ച് കോ​ടി​യോ​ളം രൂ​പ​യാ​ണ് കെ.എം.എം.എൽ ചെ​ല​വാ​ക്കി​യ​ത്. കമ്പനിയിലെ പ്ലാന്റിൽ നി​ന്ന് പൈ​പ്പ്​​ലൈൻ വ​ഴി നേ​രി​ട്ടാ​ണ് കി​ട​ക്ക​ക​ളിൽ ഓ​ക്സി​ജൻ ല​ഭ്യ​മാ​ക്കു​ന്ന​ത്. 700 മീ​റ്റർ ദൂ​ര​മാ​ണ് ഓ​ക്​​സി​ജൻ പ്ലാന്റും സ്​കൂ​ളും ത​മ്മി​ലു​ള്ള​ത്.

ജി​ല്ലാ ക​ള​ക്ടർ ബി. അ​ബ്ദുൽ നാ​സർ ഉ​ദ്​ഘാ​ട​നം നിർ​വ​ഹി​ച്ചു. കെ.എം.എം.എൽ മാ​നേ​ജിം​ഗ് ഡ​യ​റ​ക്ടർ ജെ. ചന്ദ്രബോസ്, ജി​ല്ലാ ഡെവ​ല​പ്മെന്റ് ക​മ്മിഷ​ണർ ആ​സി​ഫ്, അ​സി. ക​ള​ക്ടർ ഡോ. അ​രുൺ, ജി​ല്ലാ പ​ഞ്ചാ​യ​ത്ത് പ്ര​സി​ഡന്റ് സാം കെ. ഡാ​നി​യേൽ, ച​വ​റ ബ്ലോ​ക്ക് പ​ഞ്ചാ​യ​ത്ത് പ്ര​സി​ഡന്റ് സ​ന്തോ​ഷ് തു​പ്പാ​ശേ​രി, പ​ന്മ​ന ഗ്രാ​മ​പ​ഞ്ചാ​യ​ത്ത് വൈ​സ് പ്ര​സി​ഡന്റ് മാ​മൂ​ല​യിൽ സേ​തു​ക്കു​ട്ടൻ, കെ.എം.എം.എൽ ജ​ന​റൽ മാ​നേ​ജർ വി. അ​ജ​യ​കൃ​ഷ്​ണൻ, യൂ​ണി​റ്റ് ഹെ​ഡ് പി.കെ. മ​ണി​ക്കു​ട്ടൻ, നാ​ഷ​ണൽ ഹെൽ​ത്ത്​ മി​ഷൻ എ​ൻജിനി​യർ വേ​ണു​ഗോ​പാൽ തുടങ്ങിയവർ പങ്കെടുത്തു.

മുടക്കമില്ലാതെ ഓക്സിജൻ

എ​ല്ലാ കി​ട​ക്ക​ക​ളി​ലും രോ​ഗി​ക​ളെ​ത്തി​യാൽ 10 മു​തൽ 12 ടൺ വ​രെ ഓ​ക്​​സി​ജൻ ചികിത്സാ കേന്ദ്രത്തിലേക്ക് വേണം. 24 മണി​ക്കൂ​റും പ്ര​വർ​ത്തി​ക്കു​ന്ന ക​മ്പ​നി​യുടെ പ്ലാന്റിൽ നി​ന്ന് വൈദ്യുതി തടസമുണ്ടായാലും ഓ​ക്സി​ജൻ മു​ട​ക്ക​മി​ല്ലാ​തെ ആ​ശു​പ​ത്രി​യി​ലെ​ത്തുമെന്ന് കെ.എം.എം.എൽ അധികൃതർ അറിയിച്ചു.

സം​സ്ഥാ​ന സർ​ക്കാ​രി​ന്റെ നിർ​ദ്ദേ​ശ​പ്ര​കാ​രം ക​മ്പ​നി​യി​ലെ പ​ഴ​യ ഓ​ക്​​സി​ജൻ പ്ലാന്റ് പ്ര​വർ​ത്തി​പ്പി​ച്ച് 35 ട​ണ്ണോ​ളം ഓക്സിജൻ പ്ര​തിദിനം ഉത്പാ​ദി​പ്പി​ക്കാ​നും തീ​രു​മാ​നി​ച്ചി​ട്ടു​ണ്ട്. ഇ​തി​നാ​യി പ്ര​ത്യേ​കം തൊ​ഴി​ലാ​ളി​ക​ളെ​യും ക​മ്പ​നി നിയമി​ച്ചു.

സ​ഹാ​യ​വു​മാ​യി ര​വി​പി​ള്ള ഫൗ​ണ്ടേ​ഷൻ

ച​വ​റ ശ​ങ്ക​ര​മം​ഗ​ലം ഗ​വ. ഹ​യർ സെ​ക്കൻഡറി സ്​കൂ​ളിൽ പ്ര​വർ​ത്തി​ക്കു​ന്ന ചി​കി​ത്സാ കേ​ന്ദ്ര​ത്തി​ലേ​ക്ക് സ​ഹാ​യ​വു​മാ​യി ര​വി​പി​ള്ള ഫൗ​ണ്ടേ​ഷ​നും. ജി​ല്ലാ ഭ​ര​ണ​കൂ​ട​ത്തി​ന്റെ ആ​വ​ശ്യ​പ്ര​കാ​ര​മാ​ണ് സ​ഹാ​യം നൽ​കു​ന്ന​ത്. 400 ക​സേ​ര, 100 കി​ട​ക്ക​കൾ, 130 ബാ​ക്ക്റെ​സ്റ്റ്, 8 റ​ഫ്രി​ജ​റേ​റ്റർ, 15 വാ​ഷിം​ഗ് മെ​ഷീൻ, 15 ഇൻ​ഡ​ക്ഷൻ കു​ക്കർ, 8 വാ​ട്ടർ ഡി​സ്​പെൻ​സർ, ഐ.ആർ തെർ​മ്മോ​മീ​റ്റർ, വി​വി​ധ ബാ​റ്റ​റി​കൾ, റ​ബർ മാ​റ്റ് എ​ന്നി​വ​യാ​ണ് ഫൗ​ണ്ടേ​ഷൻ നൽ​കു​ന്ന​ത്.

എല്ലാ കിടക്കകളിലും ഓക്സിജൻ ലഭ്യതയ്ക്ക് പുറമേ രോഗികൾക്ക് ആവശ്യമായ എല്ലാ അടിസ്ഥാന സൗകര്യങ്ങളും ഒരുക്കിയാണ് ഇന്നലെ പ്രത്യേക പന്തലിൽ ഒരുക്കിയ കൊവിഡ് ചികിത്സാ കേന്ദ്രം ജില്ലാ ഭരണകൂടത്തിന് കൈമാറിയത്. ഇത്തരം ഇടപെടൽ കെ.എം.എം.എല്ലിന്റെ സാമൂഹ്യ പ്രതിബദ്ധതയുടെ ഭാഗമാണ്. ഇതുവരെയുള്ള എല്ലാ ചെലവുകളും കെ.എം.എം.എൽ സ്വന്തം നിലയിലാണ് വഹിച്ചത്. ജെ. ചന്ദ്രബോസ് (മാനേജിംഗ് ഡയറക്ടർ, കെ.എം.എം.എൽ)