കൊല്ലം: ചത്തിയറ വി.എച്ച്.എസ്.എസ് സ്ഥാപക മാനേജരും താമരക്കുളം ഗ്രാമപഞ്ചായത്ത് പ്രസിഡന്റുമായിരുന്ന കൊപ്പാറ എസ്. നാരായണൻ നായർ സ്മാരക പുരസ്കാരം പരിസ്ഥിതി ശാസ്ത്രജ്ഞനും കേരള സർവകലാശാല അദ്ധ്യാപകനുമായ ഡോ. സൈനുദീൻ പട്ടാഴിക്ക്. 10,001 രൂപയും ഫലകവും പ്രശസ്തി പത്രവും അടങ്ങുന്നതാണ് അവാർഡ്. കൊപ്പാറ നാരായണൻ നായരുടെ ചരമവാർഷിക ദിനമായ 11ന് ചത്തിയറ വി. എച്ച്.എസ്.എസിൽ നടക്കുന്ന ചടങ്ങിൽ അവാർഡ് കൈമാറും.