കൊല്ലം: എസ്.എൻ.ഡി.പി യോഗം യൂത്ത് മൂവ്മെന്റ് കൊല്ലം യൂണിയന്റെ ഗുരുകാരുണ്യം പദ്ധതിയുടെ ഭാഗമായി തെരുവിൽ കഴിയുന്നവർക്ക് ഭക്ഷണപ്പൊതികൾ വിതരണം ചെയ്തു. ആശ്രാമം ലിങ്ക് റോഡ്, ബോട്ട് ജെട്ടി പരിസരങ്ങളിൽ കഴിയുന്ന നൂറോളം പേർക്ക് ഭക്ഷണപ്പൊതികൾ നൽകി സംസ്ഥാന പ്രസിഡൻറ് പച്ചയിൽ സന്ദീപ് ഉദ്ഘാടനം ചെയ്തു.

കേന്ദ്രസമിതി പ്രസിഡന്റ് രഞ്ജിത്ത് രവീന്ദ്രൻ, കൊല്ലം യൂണിയൻ സെക്രട്ടറി ബി. പ്രതാപൻ, വൈസ് പ്രസിഡന്റ് ഡി.എൻ. വിനുരാജ്, മുൻ സംസ്ഥാന വൈസ് പ്രസിഡന്റ് പ്രമോദ് കണ്ണൻ, സനിത്ത്, ഹരീശിവരാമൻ, അഭിലാഷ്, ആകർഷ് ഷോബി, ബൈജുലാൽ, ഡി. സിനു, അനൂപ് ശങ്കർ എന്നിവർ നേതൃത്വം നൽകി.

പദ്ധതിക്ക് പിന്തുണയുമായി എസ്.എൻ.ഡി.പി യോഗം കൊല്ലം യൂണിയൻ പ്രസിഡന്റ് മോഹൻ ശങ്കർ, സെക്രട്ടറി എൻ. രാജേന്ദ്രൻ, യൂണിയൻ കൗൺസിലർ ജി.ഡി. രാഖേഷ്, മയ്യനാട് 444-ാം നമ്പർ ശാഖാ സെക്രട്ടി ഡി. പ്രസാദ്, കൊല്ലം ടൗൺ 3258-ാം നമ്പർ ശാഖാ സെക്രട്ടറി പി.ബി. ഉണ്ണിക്കൃഷ്ണൻ, ട്രസ്റ്റ് ബോർഡ് അംഗങ്ങളായ ബാബുരാജൻ തംബുരു, കോതേത്ത് ശശിധരൻ തുടങ്ങിയവരും പങ്കെടുത്തു.