കൊല്ലം: എസ്.എൻ.ഡി.പി യോഗത്തിന്റെ ജീവകാരുണ്യ പദ്ധതിയായ ഗുരുകാരുണ്യത്തിന്റെ ഭാഗമായി യൂത്ത് മൂവ്മെന്റ് കൊല്ലം യൂണിയന്റെ നേതൃത്വത്തിൽ തെരുവിൽ കഴിയുന്നവർക്ക് ഭക്ഷണപ്പൊതി നൽകി. യൂത്ത് മൂവ്മെന്റ് സംസ്ഥാന പ്രസിഡന്റ് പച്ചയിൽ സന്ദീപ് ഉദ്ഘാടനം ചെയ്തു. സംസ്ഥാന വൈസ് പ്രസിഡന്റും കൊല്ലം യൂണിയൻ പ്രസിഡന്റുമായ രഞ്ജിത്ത് രവീന്ദ്രൻ, സെക്രട്ടറി ബി. പ്രതാപൻ, മുൻ സംസ്ഥാന വൈസ് ചെയർമാൻ പ്രമോദ് കണ്ണൻ, സനിത്ത്, ഹരി ശിവരാമൻ, അഭിലാഷ്, അനൂപ് ശങ്കർ തുടങ്ങിയവർ നേതൃത്വം നൽകി.