കൊല്ലം: കൊല്ലം റെയിൽവേ സ്റ്റേഷനിൽ നിറുത്തിയിരുന്ന ബൈക്ക് മോഷ്ടിച്ചയാളെ പൊലീസ് പിടികൂടി. ആശ്രാമം ഹരിശ്രീ നഗർ - 30 വയലിൽ വീട്ടിൽ അക്ഷയ് കുമാറാണ് (24) പിടിയിലായത്. കഴിഞ്ഞ ദിവസമാണ് സ്റ്റേഷനിലെ രണ്ടാം ടെർമ്മിനലിന്റെ പ്ലാറ്റ്‌ഫോമിന് സമീപത്ത് പാർക്ക് ചെയ്തിരുന്ന ബൈക്ക് പ്രതി മോഷ്ടിച്ച് കടന്നത്.
കൊല്ലം അസി. പൊലീസ് കമ്മിഷണർ ടി.ബി. വിജയന്റെ നേതൃത്വത്തിൽ ഈസ്റ്റ് പൊലീസ് ഇൻസ്‌പെക്ടർ ഷാഫി, എസ്.ഐമാരായ ദിൽജിത്ത്, വിനീത, സലിം, സുരേഷ് കുമാർ, പ്രമോദ് കുമാർ, സി.പി.ഒ രാജഗോപാൽ എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.