ച​വ​റ: മ​ട​പ്പ​ള്ളി, വ​ട്ട​ത്ത​റ വാർ​ഡു​ക​ളു​ടെ അ​തിർ​ത്തി പ​ങ്കി​ടു​ന്ന ച​വ​റ ഗ്രാ​മ പ​ഞ്ചാ​യ​ത്തിന് കീഴിലുള്ള കോ​യി​ക്കൽ കു​ള​ത്തിന് സം​ര​ക്ഷ​ണ​ഭി​ത്തി നിർമ്മിക്കണമെന്ന പ്രദേശവാസികളുടെ ആവശ്യം ശക്തമാകുന്നു. ഇത് സംബന്ധിച്ച് അധികൃതർക്ക് പലതവണ പ​രാ​തി നൽ​കി​യും നടപടി സ്വീകരിച്ചിട്ടില്ലെന്നാണ് പ​രി​സ​ര​വാ​സി​ക​ളുടെ ആക്ഷേപം. അ​റു​പ​ത് വർ​ഷ​ത്തി​ലേ​റെ പഴക്കമുള്ള ച​വ​റ ഗ്രാ​മ പ​ഞ്ചാ​യ​ത്തി​ലെ ഏ​റ്റ​വും വ​ലി​യ കു​ള​മാ​ണിത്. ശ​ക്ത​മാ​യ വേ​നൽക്കാ​ല​ത്തും ഇവിടെ നീ​രു​റ​വ വറ്റാറില്ല. മ​ഴ​ക്കാ​ല​ത്ത് കു​ളം നി​റ​ഞ്ഞ് വെ​ള്ളം റോ​ഡി​ലേ​ക്ക് ഒ​ഴു​കു​ന്ന​തുമൂ​ലം കാൽ ന​ട​യാ​ത്ര​ക്കാ​രും ഇ​രു​ച​ക്ര വാ​ഹ​ന യാ​ത്ര​ക്കാ​രും വലിയ ബുദ്ധിമുട്ടാണനുഭവിക്കുന്നത്.

സംരക്ഷണഭിത്തി നിർമ്മിക്കണം

വർ​ഷ​ങ്ങൾ​ക്ക് മുൻ​പ് രണ്ട് തവണയായി രണ്ടുപേർ കു​ള​ത്തിൽ വീ​ണ് മ​രി​ച്ചതോടെ റോ​ഡു പ​ണി​യു​മാ​യി ബ​ന്ധ​പ്പെ​ടു​ത്തി കു​ള​ത്തി​ന്റെ വ​ട​ക്ക് ഭാ​ഗ​ത്തെ ഭി​ത്തി ഉ​യർ​ത്തിക്കെ​ട്ടി​യിരുന്നു. കു​ള​ത്തി​ന്റെ മൂ​ന്നുവ​ശ​ത്ത് കൂടി ഭി​ത്തി​കെ​ട്ടി​യാൽ യാ​ത്ര​ക്കാർ​ക്ക് പേ​ടികൂ​ടാ​തെ ഇതുവഴി സഞ്ചരിക്കാനാവും. കുളത്തിന്റെ അടിത്തട്ടിലെ ചെ​ളി​ നീ​ക്കം ചെ​യ്​താൽ ഗ്രാ​മ പ​ഞ്ചാ​യ​ത്തിന്റെ നേതൃത്വത്തിൽ മ​ത്സ്യക്കൃഷിയും ആരംഭിക്കാം.

കു​ളം സംരക്ഷിക്കാൻ സം​ര​ക്ഷ​ണഭിത്തി കെട്ടാനുള്ള ന​ട​പ​ടി​ സ്വീ​ക​രി​ക്കും. കു​ള​ത്തി​ൽ മാ​ലി​ന്യം ത​ള്ളു​ന്നവരെ കണ്ടെത്താൻ കാമ​റ​ സ്ഥാ​പി​ക്കും. കാവുകളും കുളങ്ങളും സംരക്ഷിക്കുകയെന്നതാണ് പഞ്ചായത്ത് ഭരണസമിതി യുടെ നിലപാട്.
എസ്. തു​ള​സീധ​രൻ പി​ള്ള, ച​വ​റ ഗ്രാ​മ പ​ഞ്ചാ​യ​ത്ത് പ്ര​സി​ഡന്റ്

കു​ള​ത്തി​ന്റെ തെ​ക്ക് വ​ശ​ത്തെ ഇ​ടി​ഞ്ഞുതാ​ഴു​ന്ന സം​ര​ക്ഷ​ണ​ഭി​ത്തി യാ​ത്ര​ക്കാർ​ക്ക് അ​പ​ക​ട​ഭീഷണിയാണ്. അധികൃതർ മുൻകൈയെടുത്ത് പ്രശ്നം പരിഹരിക്കണം
മ​ട​പ്പ​ള്ളി അ​നിൽ, പൗ​രസ​മ​തി പ്ര​സി​ഡന്റ്