കൊല്ലം: പ്രശസ്ത നോവലിസ്റ്റ് നൂറനാട് ഹനീഫ് സ്മരണാർത്ഥം യുവ എഴുത്തുകാർക്ക് ഏർപ്പെടുത്തിയ 11ാമത് നൂറനാട് ഹനീഫ് നോവൽ പുരസ്‌കാരത്തിന് സാഹിത്യ രചനകൾ ക്ഷണിച്ചു. 25,052 രൂപയും പ്രശസ്തി പത്രവും ശില്പവും അടങ്ങുന്നതാണ് പുരസ്‌കാരം. 45 വയസിൽ താഴെയുള്ള എഴുത്തുകാരുടെ
നോവലുകളാണ് പരിഗണിക്കുക. 2018, 2019, 2020, 2021 വർഷങ്ങളിലെ ആദ്യ പതിപ്പായി പ്രസിദ്ധീകരിച്ച രചനകളുടെ മൂന്ന് കോപ്പി ജൂലായ് 10 നകം എത്തിക്കണം. വായനക്കാർക്കും കൃതികൾ പുരസ്‌കാരത്തിനായി നിർദ്ദേശിക്കാം.

സാഹിത്യ രചനകൾ അയയ്‌ക്കേണ്ട വിലാസം: ആർ. വിപിൻചന്ദ്രൻ, പബ്ലിസിറ്റി കൺവീനർ, നൂറനാട് ഹനീഫ്, അനുസ്മരണസമിതി, കൊല്ലം ജില്ലാ ബാങ്ക് എംപ്ളോയീസ് കോ ഓപ്പറേറ്റീവ് സൊസൈറ്റി, ചിന്നക്കട, കൊല്ലം1, ഫോൺ: 9447472150. വി. ജയകുമാർ, കാനറാ ബാങ്ക്, ആനന്ദവല്ലീശ്വരം ശാഖ, കൊല്ലം. ഫോൺ: 9447453537.