കൊല്ലം: ഓൾ ഇന്ത്യാ ബാങ്ക് എംപ്ലോയീസ് അസോസിയേഷന്റെ (എ.ഐ.ബി.ഇ.എ) ആദ്യകാല നേതാക്കളിലൊരാളും സെൻട്രൽ ബാങ്ക് ഒഫ് ഇന്ത്യ മാനേജരുമായിരുന്ന ശങ്കേഴ്‌സ് ആശുപത്രിക്ക് സമീപം ആഞ്ഞിലിറോഡ് റസിഡന്റ്സ് അസോസിയേഷൻ 14 തണുങ്ങാട്ട് വീട്ടിൽ ടി.എം. മാത്യൂസ് (97) അന്തരിച്ചു. സംസ്‌കാരം പിന്നീട്. കൊവിഡിനെ തുടർന്ന് ജൂൺ 2ന് എൻ.എസ് ആശുപത്രിയിൽ പ്രവേശിപ്പിച്ച അദ്ദേഹത്തിന് അസുഖം ഭേദമായെങ്കിലും പെട്ടെന്ന് രോഗം മൂർച്ഛിച്ച് ഇന്നലെ വൈകിട്ട് 7.10 ഓടെ മരണമടയുകയുമായിരുന്നു. ഭാര്യ: പരേതയായ അന്നമ്മ മാത്യൂസ് (റിട്ട. ജില്ലാ കോടതി ഉദ്യോഗസ്ഥ). മക്കൾ: സുമ മാത്യൂസ് (റിട്ട. എക്‌സി. ഡയറക്ടർ, സോഷ്യോ എക്കണോമിക് യൂണിറ്റ് ഫൗണ്ടേഷൻ), ലീലാമ്മ മാത്യൂസ് (മുൻ സെക്രട്ടറി, ബാങ്ക് എംപ്ലോയീസ് കോഓപ്പറേറ്റീവ് സൊസൈറ്റി), എം. മാത്യൂസ് (ന്യുഇന്ത്യ ഇൻഷ്വറൻസ് കമ്പനി, കൊല്ലം). മരുമക്കൾ: സക്കറിയ അലക്‌സ് മലയിൽ (ബിസിനസ്), ജോർജ് നൈനാൻ (എം.ഡി, ട്രാവൻകൂർ ടൈറ്റാനിയം, തിരുവനന്തപുരം), സൂസൻ മാത്യൂസ്.
എ.ഐ.ബി.ഇ.എ ദേശീയകൗൺസിൽ അംഗം, സെൻട്രൽബാങ്ക് എംപ്ലോയീസ് യൂണിയന്റെ അഖിലേന്ത്യാ വൈസ്പ്രസിഡന്റ്, സംസ്ഥാന സെക്രട്ടറി, എ.കെ.ബി.ഇ.എഫിന്റെ ജില്ലാഭാരവാഹി, ഓൾ ഇന്ത്യാ ബാങ്ക് റിട്ടയറീസ് ഫെഡറേഷന്റെ സ്ഥാപക ചെയർമാൻ, ജില്ലാബാങ്ക് എംപ്ലോയീസ് സഹകരണസംഘം മുൻ പ്രസിഡന്റ്, ഐപ്‌സോ, ഇസ്‌കസ് എന്നീ സമാധാന സംഘടനകളുടെ ഭാരവാഹിയുമായിരുന്നു. നിരവധി സാമൂഹ്യസംഘടനകളുടെ നേതൃത്വം വഹിച്ചിട്ടുണ്ട്.