എഴുകോൺ: ഇന്ധനവിലവർദ്ധനവിനെതിരെ ഐക്യ ട്രേഡ് യൂണിയന്റെ നേതൃത്വത്തിൽ എഴുകോണിന്റെ വിവിധ പ്രദേശങ്ങളിൽ ചക്ര സ്തംഭന സമരം നടന്നു. എഴുകോൺ ജംഗ്ഷനിൽ നടന്ന സമരം എ.ഐ.ടി.യു.സി നേതാവ് ചക്കുവരക്കൽ ചന്ദ്രൻ ഉദ്ഘാടനം ചെയ്തു. യോഗത്തിൽ സി.ഐ.ടി.യു നേതാവ് ഗോപുകൃഷ്ണൻ അദ്ധ്യക്ഷത വഹിച്ചു. ഐ.എൻ.ടി.യു.സി നേതാവ് പി.എസ് അദ്വാനി, എഴുകോൺ പഞ്ചായത്ത് വൈസ് പ്രസിഡന്റ് അതിര ജോൺസൺ തുടങ്ങിയവർ പങ്കെടുത്തു.

അമ്പലത്തുംകാല ജംഗ്ഷനിൽ നടന്ന സമരം ഐ.എൻ.ടി.യു.സി നേതാവ് ജയപ്രകാശ് നാരായണൻ ഉദ്ഘാടനം ചെയ്തു. സി.ഐ.ടി.യു നേതാവ് പി. എം മനേഷായുടെ അദ്ധ്യക്ഷതയിൽ കൂടിയ യോഗത്തിൽ വിവിധ ട്രേഡ് യൂണിയൻ നേതാക്കളായ സതീശൻ, ഷാജി അമ്പലത്തുംകാല, പാറക്കടവ് ഷറഫ്, തോമസ് പണിക്കർ, കെ.ആർ.ഉല്ലാസ്, രേഖ ഉല്ലാസ്, ഗോപി നാഥൻ, ആർ .സുബ്രമണ്യൻ, ബിപിൻ. പി .കോശി, ശ്രീലത എന്നിവർ പങ്കെടുത്തു.