കൊട്ടാരക്കര: സമഗ്രശിക്ഷ കേരളയുടെ കുളക്കട ബി.ആർ.സിയുടെയും ചാവക്കാട് ബി.ആർ.സിയുടെയും സംയുക്ത ആഭിമുഖ്യത്തിൽ ഓൺലൈൻ ട്വിന്നിംഗ് പ്രോഗ്രാം 'ജാലകങ്ങൾക്കപ്പുറം' ഇന്ന് സംഘടിപ്പിക്കും. വായനാവാരാഘോഷത്തിന്റെ ഭാഗമായുള്ള പരിപാടിയിൽ സംഗീത നാടക അക്കാഡമി അവാർഡ് ജേതാവ് കാഥികൻ ഡോ.വസന്തകുമാർ സാംബശിവൻ മുഖ്യ അതിഥിയാകും. ജില്ലാ പ്രോഗ്രാം ഓഫീസർ അനിത വായനാദിന സന്ദേശം നൽകും. റെമഡിയേറ്റർ ജ്യോതി സതീശൻ ക്ളാസെടുക്കും. ട്രെയിനർമാരായ ബി.സി.മഞ്ജുകുമാരി, ടി.എസ്.അജിത എന്നിവർ സംസാരിക്കും.