കൊല്ലം: സിസ്റ്റേഴ്‌സ് ഒഫ് ദ ഹോളി ക്രോസ്, കൊട്ടിയം കോൺവെന്റിലെ സിസ്റ്റർ മേരി ജോസഫിൻ ഫെർണാണ്ടസ് (72) നിര്യാതയായി. കൊല്ലം കരിത്തുറ ഇടവകയിൽ പരേതരായ ജോസഫ് ഫെർണാണ്ടസിന്റെയും മർസെലീനഫെർണാണ്ടസിന്റെയും മൂത്ത മകളാണ്. കൊല്ലം രൂപതായിലെ രൂപതാ ഓഫീസിലും മതബോധന കേന്ദ്രത്തിലും കൊട്ടിയം മൈനർ സെമിനാരിയിലും സ്തുത്യർഹമായ സേവനം അനുഷ്ഠിച്ചിട്ടുണ്ട്. എറണാകുളം, ആലപ്പുഴ, വിരുതനഗർ, ബംഗളൂരു, കൊല്ലം, കൊട്ടിയം എന്നീ സ്ഥലങ്ങളിലെ വിവിധ കോൺവെന്റുകളിൽ സേവനം അനുഷ്ഠിച്ചിട്ടുണ്ട്. സംസ്കാരം ഇന്ന് രാവിലെ 9.30ന് കൊട്ടിയം ഹോളി ക്രോസ് ചാപ്പലിൽ.